"Tirana e re, një lagje me zhgarravina"

Nga Ylli Dylgjeri

Dhunën e të rinjve në Tiranë e nxiti Bashkia me ndertimet pa kriter. Në parrullën do të zhvillojmë zonën janë ndertuar dhjetra pallate mbi lulishte e dikurshme të ndertuara nga koha e diktatures.

Në Rrugën "Sami Frashëri" fiks ku është Ambulanca e Njësisë 5,  ishte një lulishte me stola, pemë dhjetra vjeçare, basene me ujë, zogj e ajër paster, një Qender për argëtimin e të rinjve me infrastukture për rreth.

Sot aty nuk kanë ngelur më gjurmë nga historia. Dhjetra pallate. Një mbi një. Kryetar pas Kryetari Bashkie kanë dhënë leje pa fund.

Zona është bëre e tëra me tunele betoni, ku mund të kalojnë vetëm banorët e në pamundësi të plotë për të ndërhyrë kunder zjarreve e të sëmureve.

Këtu sot sheh të rinjtë e fëmijët e shkollave "Petronini Luarasi", "Emin Duraku" e "11 Janari" qe lenë orer e mësimit e kalojnë kohën duke pirë duhan,  hashash, duke u puthur, e duke sharrë e uluritur orë e pa ore. Murret e pallateve janë kthyer në zhgarravina që imitojnë vizatimet absurde si muret e zyres se Edi Ramës.

Çfarë nuk lexohet aty. Nga përshkrimet e organeve seksuale e deri te stilet e seksit. Kjo pamje të shfaqet në çdo skute mes pallateve që shoqerohet me një fjalor rrugaçëror.

 Kjo është Tirana e Re sot. Kjo mund të më thotë dikush se ka ndodhur e ndodh në Europë e më gjërë.

Po, ka ndodhur, por kur është përdhosur shoqëria, familja, shteti ka vënë dorë. Kjo ka ndodhur edhe në amerikën e fillim shekullit por Ligji e frenojë deri në ekstrem.

Edhe sot e kësaj dite në amerikë ekzistojnë ligjet te vjetra të cilat nuk janë abroguar për arsye të rutinës legjislative që paralajmërojnë: Kush shkruan mbi mure e ura, internohet në Zelanden e Re!

Këto ligje janë të publikuara në fletoret e nxënësve të shkollave të arsimit të ulët e të mesëm si busull edukimi.

Kjo është dora e shtetit kur ka shtet.

Po kujt ti drejtohemi?

Kryetareve të Bashkive që jo vetem nuk venë dorë por na i shtojnë plehrat dhe ndertimet në këtë qytet të pajetueshëm.

Këtu duhen internohen Kryetaret në Zelanden e Re.