Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

OPINEWS

Trump / Berisha: Prezumimi i pafajsisë funksion në SHBA, por jo në Shqipëri

Politiko 31 Maj 2024, 20:02

Trump / Berisha: Prezumimi i pafajsisë funksion në SHBA, por jo

Nga Genc Burimi

Pyetje për Spak: meqënëse drejtësia e re është krijuar nga Amerikanët, a duhet te frymezohet SPAK nga mënyra sesi funksionon vetë drejtësia amerikane? Krahasim i dy sistemeve : në Shqipëri Spak pengon ose ka penguar politikanë të padënuar nga drejtëisa, (Berishën sot apo Belerin dje), të përmbushin misionet e tyre në politikë.

Në SHBA , në rastin Trump, drejtësia jo vetëm gjatë fazës së hetimit por dhe tani që e ka shpallur Trumpin fajtor nuk e ka penguar dhe as nuk e pengon atë të përmbushë misionin e tij si kandidat republikan për president. Rezulton se Spak-u apo dhe Kryeministri I Shqipërise të cilët pretendojnë se frymezohen nga përvoja amerikane, përzgjedhin në fund te fundit nga modeli ameikan vetëm cfarë u intereson .

Ramës i pëlqente shumë non grata amerikane për ta eliminuar Berishen nga loja demokratike, por I pëlqen me siguri më pak sesi drejtësia amerikane e lë Berishen e Amerikës të livadhisë dhe t’I shërbejë deri në fund zgjedhsve të tij. Spak po ashtu i pëlqen që Politikanet e opozites në Shqipëri t’i gozhdoje brënda katër mureve për të mos i lejuar të (ri) marrin mandate, po mbyll sytë dhe veshët ndaj modelit të drejtësisë në Shba ku politikani i inkriminuar lihet i lirë ashtu si kudo në botën e qytetëruar deri në prononcimin e një vendimi gjyqësor të formes se prerë. Cfarë paradoksi ky selektivizëm në marrjen e përvojës nga Amerika…
Pyetje tani dhe për Bashën si dhe për të gjithë ata politikanë të partisë së Berishës që tradhtuan Berishën : meqënëse të gjithë këta pretendojnë po ashtu se frymezohen nga Amerika dhe se duan ta bëjnë demokracinë shqiptare si ajo amerikane, pse nuk frymëzohen ata nga kolegët e tyre të partisë Republikane amerikane?

Këta të fundit, duke përfshirë edhe rivalet më të epur ndaj Trump si Niki Haley apo Ron Desantis, jo vetëm që nuk u ngritën si Basha kundra Berishës për të shprehur neverinë e tyre ndaj një Trump të dënuar nga drejtësia demokratike amerikane, por sot, pikërisht sot kur Ttrump është shpallur si kriminel nga shkalla e parë e drejtesisë, partia republikane grusht bashkuar i shpreh mbështejten më të fuqishme Donald Trumpit.

Në Shqiperi, Lulzim Basha nuk priti as gjykimin apo dënimin e Berishes për t’u distancuar, por i nguli thikën në shpine vetëm me një alibi non grata që del qartë sot se nuk kishte dhe as nuk ka asnjë vlerë juridike. Pra një dënim juridik i Trump në Shba, ç’përfillet nga partia e madhe republikane amerikane, ndërsa në Shqipëri një përcaktim i Berishës nga një organ egzekutiv si non grata dhe aspak jo një dënim gjyqësor, mjaftoi për ta bërë Bashën të tregohet edhe më demokrat se republikanët amerikanë...Sërish çfarë paradoksi !
Konkluzion : Amerika është Shtet I të drejtës, Shqipëria jo! Në Amerikë respektohet parimi I prezumimit të pafajsisë, në Shqipëri jo !