Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Vajtimi për lirinë e medias një shaka pa kripë

Politiko 10 Gusht 2025, 18:54

Nga Irena Beqiraj
Edhe pse ndajmë mendime të ndryshme unë do jepja dhe jetën që ti ta shprehje atë lirëshëm. Kjo fjali do të të ishte sllogani i një medie të lirë. Ndërkohë sllogani i një prej “medieve tona të lira” para dy vjetesh ishte “Taulant Ballën e kam si vëlla por tani nuk po më ndihmon “
Asgjë që ka ndodhur me 24 News nuk lidhet me lirinë e medias. Thjesht janë prishur balancat e marrëdhënieve midis një medieje dhe qeverisë. Ajo që po ndodh janë pasojat e një transaksioni tregëtar të prishur midis pronarit të medias dhe “pronarit” të qeverisë, të cilët historikisht marrëdhëniet e tyre i kanë ngritur jashtë parimeve dhe kornizave te lirisë së medias, megjithëse qeveria ka ndëruar disa herë pronarë. Thënë këtë çdo vajtim për lirinë e medias duket një shaka pa kripë.
Por le të ndalemi tek kjo e fundit. Në botën ku jetojmë liria e medias fatkeqësisht është shëndruar në liri për të shitur gazeta, për të paguar e përdorur gazetarë, për të dhënë ryshfet, për të blerë e shitur politikanë , për të manipuluar opinionin publik, e të gjitha këto në këmbim të pishinave të ndërtuara në det, lejeve të ndërtimit, legalizimit të kateve pa leje të ndërtuara rishtazi , blerjes apo marrjes me qira te godinave publike apo borxheve të pashlyera në doganë e tatime.
Gazetari i famshëm A .J. Liebling dikur shkuante -“Liria e medias u garantohet vetëm atyre që e zotërojnë një të tillë”.
Shenjtëria e "Lirisë së medias" që gabimisht po vajtojmë sot, por që në fakt nuk e kemi pasur kurrë , pasi ajo vdes kur shëndrohet në monedhën që u guaranton pronarëve të mediave akses tek ministrat, kryeministrat, presidentët , monedhë të cilën ata e kanë këmbyer në perfitime personale sa herë u është dashur.
Po ashtu e drejta e gazetarëve për të informuar nuk u është hequr dje . Dje u është ndërprerë borderoja që u përcaktonte qëndrimet ! E drejta e tyre për te informuar nuk ka ekzistuar edhe nuk ka për të ekzistuar për sa kohë që liria e medias që e garanton ketë te drejte shkëmbehet në pazarin politik për interesa të pronarëve edhe sa herë që të pa zë gazetaret kanë vazhduar te pashqetesuar edhe pse një koleg I tyre ështe flakur nga pronari në rrugë me një SMS të vëllait të madh.
E pra nëse kemi kaq deshirë të gënjejmë veten e te barazojmë mënyrat sesi veprojnë operojnë e mbijetojnë mediat tona me lirinë mos u shqetesoni fare per lirinë : ketë lloj lirie e fitojnë sërisht ne transaksionin e rradhës me qeverinë !