Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Viti i ri akademik/ Ish-zv.ministrja e PS: Pse parukierja ime është më e lumtur se trecereku i njerëzve që njoh me doktoraturë

Politiko 7 Tetor 2024, 16:17

Viti i ri akademik/ Ish-zv.ministrja e PS: Pse parukierja ime është

Nga Irena Beqiraj

Cfarë do të doja ti thoja cdo studenti të ri !
Ju keni kaluar dymbëdhjetë vitet e fundit të jetës tuaj në shkollë. Kur e niset ishit fëmijë dhe trajtoheshit si fëmijë. Tani ju jeni të rritur dhe më në fund po përballeni me disa nga zgjedhjet edhe vendimet e të rriturve.
Një nga vendimet rutinë në kulturën tonë kolektive është që pasi ke mbaruar shkollën e mesme, duhet të vazhdosh universitetin . Definitivisht të ndjekesh universitetin tingëllon më mirë se të mos e ndjekësh atë. Pothuajse çdo figurë me autoritet në jetën tuaj prindërit, mesuesit u kanë thenë :
"Nëse përfundoni universitetin , ju mund të keni një karrierë të sukseshme , më shumë para,pse jo mund të jeni edhe më të lumtur" .
Por siç mund ta keni vënë re, figurat autoritare e përkulin të vërtetën sa herë që ajo mund ti bëj keq ndjenjave tuaja , apo sa here qe ato nuk duan të duken të këqinj.
Unë kam bindjen se ka një vend të vecantë në parajsë për ata që thonë të vertetën , ndaj kam vendosur në jetë të jem e sinqertë më shumë sesa e pëlqyer .
Po e filloj me një rregull të përgjithshëm : Nëse studimet ju kanë mërzitur e bezdisur në shkollë të mesme, ato do t'ju mërzisin edhe bezdisin edhe më shumë në universitet!
"Supozoni se shoku juaj i cili peshon 100 kilogram ëndërron të jetë një futbollist profesionist. A do ta nxisnit të ndiqte ëndrrën e tij ? Apo si mik i vertetë do ta paralajmëronit mikun tuaj mbipeshë se nuk ka gjasa të ketë sukses në futboll, edhe lumturinë mund ta arrijë duke konsideruar një karrierë tjetër më realiste?
Thenë këtë regjistrimi në universitet është një vendim i mirë për studentët e mirë, një vendim mediokër për studentët mediokër dhe një vendim i keq për studentët e dobët. Ka raste të vecanta kur një student i dobët shndërrohet në student të mirë. Por të ëndërrojmë që cdo student i dobët do të shëndrohet në një student të mirë është utopi.
Me të drejtë mund te pyesni veten si mund ta pëcaktoj nëse jam student i mirë, mediokër apo i dobët?
Këtu vijmë tek rregulli numer 2 : Nëse performanca juaj akademike deri në shkollë të mesme ju ka renditur tek 30 % i studenteve me rezultate të larta , jeni student i mirë. Nëse renditeni tek 20%-shi e mesit , jeni student mediokër. Edhe nëse performanca juaj bje tek 50% -shi i fundit, jeni student i dobët.
Pa përjashtim të gjithë ju në Universitet do të harxhoni kohë edhe para, por jo domosdoshmerisht kjo do të thotë keni bërë një investim. Universitet rezulton një investim i mire i vetëm për studentët e mirë . Për pjesën tjetër konsiderohet thjesht shpenzim Ka një dallim thelbësor midis investimit edhe shpenzimit . Perfundimi i një universiteti nuk barazohet me dijen. Pa njohuritë e nevojshme solide bazë edhe pa zhvilluar aftesitë e të menduarit kritik diploma juaj nuk ka asnjë vlerë .
Edhe pse ju keni zgjedhur degë për të cilat mendoni se ka treg pune, rregulli nr 3 është se :në të gjitha rastet suksesi në tregun e punës për një të sapo diplomuar më shumë se sa zotësi është fat!
Në psikologjinë tonë shoqërore rregjistrimi në universitet është masa përfundimtare e vlerës së një të riu, një vendim detyrues , një pararojë e pakundërshtueshme e sukseseve ose zhgënjimeve që do të vinë më pas për të. Një hap drejt lumturise edhe plotësimit .Në fakt e vërteta rezulton krejt ndryshe.
Parukierja ime është më e lumtur, më e qetë , më e talentuar edhe e sukseshme në punën që bën , krahasuar me trecerekun e njerëzve që njoh me doktoraturë.
Pra univeristiteti nuk do të përcaktojë atë që ju do të jeni, ajo është brenda jush.
Nuk u tingelloj motivuese ? Ju lutem mos u zemëroni me mua. Nuk dua t'ju dërrmoj ëndrrat, qe shpesh nuk janë as tuajat , por thjesht janë produkte të pritshmerive ndaj jush Ajo dua t'ju them se më shumë se ëndrrat me sy hapur në jetë duhet "zemra plot edhe këmbët në tokë !"
.