Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Opozita jashtë zgjedhjeve, Edi Rama e sheh veten për një periudhë të gjatë në pushtet

Politiko 25 Prill 2019, 14:12

Opozita jashtë zgjedhjeve, Edi Rama e sheh veten për një

Vendimin e opozitës për të mos marrë pjesë në zgjedhjet lokale të 30 qershorit, kryeministri Edi Rama e sheh si një periudhë të gjatë për veten për të qëndruar në pushtet. Nga foltorja e Kuvendit, Rama tha se opozitës, nëse braktis zgjedhjet, do i duhet një periudhë e gjatë për t’u rindërtuar.

“(Opozita) Ka vendosur të dalë edhe nga rruga e zgjedhjeve pasi doli nga rruga parlamentare, duke zgjedhur dy forma ekstreme dhe, e para e panjohur e padëgjuar, e dyta jo e panjohur, por e provuar si një rrugë e vetëshkatërrimit. Aty ku opozitat kanë zgjedhur të braktisin zgjedhjet, praktikisht kanë marrë mbrapsht një periudhë të gjatë rrënimi dhe vështirësishë të jashtëzakonshme për rindërtim”, u shpreh Rama.

Kryeministri shtoi: “Në vend që të luftojë me program dhe ide, ka zgjedhur të luftojë me kërcënime dhe kapsolla. Në vend që t’i përfaqësojë zgjedhësit e vetë në këtë sallë dhe në zgjedhje, ka vendosur t’i nxjerrë edhe ata nga rruga e betejës demokratike, ka vendosur t’i përdorë si ‘mish për top’ duke u fshehur pas tyre. Kjo është padyshim shumë e rëndë, e padëgjuar dhe e papranueshme nga askush. As nga vetë shumica dërrmuese e zgjedhësve të Lulzim Bashës dhe Monika Kryemadhit.”

Rama u shpreh i vendosur për të mos pranuar kërkesat e opozitës, por të vijojë në rrugën për zgjedhjet e 30 qershorit, ndonëse, siç tha ai, kjo rrugë është e mbushur me rreziqe.

“Por ndërkohë edhe ne nuk kemi ndonjë zgjidhje tjetër përveçse të vijojmë rrugën tonë, pa u ndaluar të merremi me ta. Të vazhdojmë në rrugën e 30 qershorit pavarësisht rreziqeve të një procesi ku dy parti politike përbetohen se do ta dhunojnë të drejtën e popullit për të zgjedhur kryetarët e bashkive në Republikën e Shqipërisë”, tha ai.

Kryeministri Rama pretendoi se mazhoranca e tij ka bërë gjithçka që ka patur në dorë që kjo situatë të mos ndodhte. Ai rikujtoi marrëveshjen e 2017-ës me kryeopozitarin Lulzim Basha, të cilën e konsideroi si prova më e mirë se PS kërkon zgjedhje me opozitën dhe jo pa të.

“Unë i mirëkuptoj të gjitha ata që ndryshe nga unë, ndryshe nga ne, mendojë se zgjedhjet pa këto parti janë anormale, por duhet t’u them të gjithëve se kjo nuk është zgjidhja jonë dhe as faji ynë. Sepse neve, në këndvështrimin tim, kemi bërë gjithçka që kemi patur në dorë që kjo mos të ndodhë. Është mirë që të ngulmojmë që të gjithë ta kujtojnë çdo ditë, në këtë periudhë, se çfarë ne kemi bërë dhe askush të mos e harrojë se jemi ne që e kemi dhënë provën se mes një palë zgjedhjesh pa opozitën dhe zgjedhjeve me opozitën kemi parapëlqyer të dytën dhe kemi sakrifikuar politikisht për ta bërë të mundur të dytën. Prova është në sytë e kujtdo që ka një kujtesë të gjatë sa dy vjet.

Këtu e dy vjet më parë ishim në të njëjtën situatë kur Lulzim Basha dhe partia e tij ishin futur në çadër, ndërsa aleatët tanë rrinin mes çadrës dhe qeverisë në pritje që të binte qeveria. Në 2017-ën ne kaluam ylberin në raport me traditën politike në Shqipëri, por edhe në raport me mandatin tonë duke, praktikisht, ndarë të gjitha përgjegjësitë e qeverisjes me ta dhe duke u besuar atyre as më shumë dhe as më pak por Ministrinë e Brendshme, plus Ministrisë e tjera. Pse? Sepse edhe në kushtet kur BE dhe SHBA e mbyllën të gjithë kapitullin e përpjekje për të gjetur një kompromis dhe deklaruan me keqardhje për opozitën dhe duke e fajësuar drejtëpërdrejtë opozitën, se zgjedhjet duhet të mbaheshin dhe se Parlamenti i dalë nga ato zgjedhje kishte legjitimitet të plotë.

Nëse ne do të ishim një forcë politike e lidhur vetëm me pushtetin dhe do e shinim procesin demokratik vetëm si një rrugë për të marrë pushtetin, nuk kishim asnjë aryse t’i luteshim dhe të gjithë e kujtojmë se sa shumë i jemi lutur dhe unë i jam lutur Lulzim Bashës për të mos braktisur procesin.

Do të kishim një Parlament me të gjithë deputetet, pa deputetët e PD dhe LSI, dhe të jeni të sigurtë që nga pikëpamja e legjitimitetit askush nuk do e vinte në dyshim.

Ne thjeshtë s’kemi asnjë rrugë tjetër dhe është rasti për të theksuar se përtej gjithë të metave tona, përtej edhe gabimeve që kemi bërë, ne mund të ballafaqohemi me këdo për të provuar nëse ka një garë se cila forcë politike dhe cila qeveri i ka dëgjuar më shumë të tjerët, i ka dëgjuar më shumë kritikat, kundërshtitë, njerëzit, ne këtë garë e fitojmë me diferencë të madhe.”

Rama mohoi edhe akuzat për arrogancë në qeverisje: “Na akuzojnë për arrogancë, por kam frikë se përtej dukjeve dhe interpretimeve të mundshme të një mënyrë apo një mënyrë tjetër komunikimi, ngatërrojnë vendosmërinë për të çuar përpara reformat me arrogancën. Nuk është arrogancë, por vendosmëri.”