Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Opozita në Komisionin e Medias dënon dhunën ndaj Kasmit, kërkon seancë dëgjimore me kryeredaktorin e “Rilindjes Demokratike”

Politiko 30 Maj 2018, 11:10

Deputetët e opozitës në Komisionin e Edukimit kanë dënuar me forcë dhunën policore ndaj gazetarit Bledi Kasmi, kryeredaktor i  gazetës “Rilindja Demokratike”, gjatë protestës së 26 majit.

Deputetët kanë firmosur një deklaratë me tre kërkesa ku përfshihet thirrja në një seancë dëgjimore e gazetarit Kasmi, zbardhja e ngjarjes dhe distancimi i kryeministrit Edi Rama dhe ministrit të Brendshëm, Fatmir Xhafaj, nga dhuna dhe shantazhimi i gazetarëve.

Deklarata e plotë:

Ne, deputetët e Komisionit Parlamentar për Edukimin dhe Mjetet e Informimit Publik, dënojmë me forcë dhunën policore ndaj gazetarit Bledi Kasmi, kryeredaktor i  gazetës “Rilindja Demokratike”, media e parë e shtypit të lirë pas rrëzimit të regjimit komunist, e botuar nga Partia Demokratike.

Gazetari  Kasmi u godit disa herë me shkopinj gome nga forcat speciale të Policisë, pak minuta pasi kishte raportuar në versionin online të “Rilindjes Demokratike” (ëëë.rd.al), protestën e opozitës të datës 26 Maj 2018, për dorëheqjen e ministrit të Brendshëm Fatmir Xhafaj, i cili akuzohej publikisht se kishte favorizuar vëllain e tij, të dënuar në Itali në vitin 2012 për trafik të lëndëve narkotike dhe pjesëmarrje në organizata të krimit të organizuar.

Kryeredaktori i gazetës opozitare, z. Bledi Kasmi mori plagë të rënda në kokë dhe u dërgua me urgjencë në Spitalin Universitar të Traumës në Tiranë. Por, me një sjelle tipike të Policive Sekrete, qeveria  urdhëroi manipulimin e provave të dhunës së ushtruar ndaj gazetarit në disa media pranë mazhorancës. Në përpjekje për t’u shpëtuar skandaleve qeveritare, Drejtori i Policisë së Shtetit, Ardi Veliu  u urdhërua të intimidonte mjekët e Spitalit të Traumës për të manipuluar Raportin Mjekësor. Pavarësisht presioneve dhe shantazheve, mjekët nuk u trembën dhe raportuan me profesionalizëm se plagët në kokën e gazetarit u shkaktuan nga goditjet e forta të shkopinjve prej gome.

Si deputetë të Komisionit Parlamentar përgjegjës për cështjen e mediave, duke vlerësuar seriozitetin që paraqet ky rast i rëndë dhe rëndësinë e mediave të lira e të pavarura, kërkojmë:

  1. Thirrjen me urgjencë të një seance dëgjimore me Kryeredaktorin e gazetës “Rilindja Demokratike”, z. Bledi Kasmi, ditën e hënë, dt 4 Qershor 2018;

  2. Zbardhjen me përparësi të kësaj ngjarjeje të rëndë për lirinë e shtypit dhe sigurinë e jetës së gazetarëve;

  3. I bëjmë thirrje Kryeministrit Edi Rama dhe ministrit të Brendshëm Fatmir Xhafaj të dënojnë dhunën policore ndaj Kryeredaktorit të gazetës opozitare, Bledi Kasmi dhe të distancohen nga çdo akt dhune, shantazhi dhe intimidimi që iu bëhet gazetarëve dhe punonjësve të medias.

Përshendesim deklaratën e organizatës ndërkombëtare “Reporterët pa Kufij”  dhe Shoqatës së Gazetarëve Profesionistë, të cilët dënuan dhunën dhe u solidarizuan me kolegun e tyre gazetar, z. Bledi Kasmi.

Bëjmë thirrje që këtij solidarizimi t’i bashkohen edhe Institucionet Europiane dhe Organizatat Ndërkombëtare që mbrojnë Lirinë e Shtypit dhe të Drejtat e Gazetarëve.

Në cilësinë e deputetëve anëtarë të Komisionit Parlamentar që mbulojmë fushën e medias, do të kërkojmë që Shqipëria, si vend anëtar i OKB-së, të mbështesë nismën e “Reporterëve pa Kufij” për të emruar një Përfaqësues  të Posaçëm në Kombet e Bashkuara për Sigurinë e Gazetarëve.

Të fundit