Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Opozitës nuk i mbyll gojën me kartona!", Ruçi ndëshkon Bashën: Je i përjashtuar!

Politiko 5 Tetor 2017, 10:49

"Opozitës nuk i mbyll gojën me kartona!", Ruçi

Një debat i ashpër është zhvilluar në Parlament ditën e sotme mes demokratëve dhe mazhorancës. Kreu i Grupit Parlamentar të PD-së, Edmond Spaho kërkoi që të mblidhet Konferenca e Kryetarëve pasdite, gjë që u kundërshtua nga Ruçi.

Basha mori fjalën në Kuvend dhe kërkoi mbledhje urgjente të Konferencës së kryetarëve, por më pas u ndëshkua nga Ruçi, e cili e përjashtoi nga Kuvendi për thyerje të rregullores.

“Ky biçim Parlament po degradon nga dita në ditë. Sot ke në rendin e ditës çështjen më të rëndësishëm të Shqipërisë dhe shqiptarëve, çështjen e zgjedhjeve. Opozita ka depozituar kërkesën për debat, ke emrat e folësve të opozitës. Ju vini të papërgatitur për debat për një arsye të thjeshtë; sepse ju nuk e doni debatin. Dhe ti ngre kartonat këtu për t’i mbyllur gojën opozitës me kartona, por kjo nuk mund të ndodhë kurrë. Mblidhni Konferencën e Kryetarëve tani. Opozita kërkesën e ka bërë konform rregullores.

Ky parlament nuk është pronë e maxhorancës, nuk është pronë e jotja, është pronë e qytetarëve shqiptarë dhe funksionon vetëm në bazë të rregullores dhe jo kartonëve që ngre ti këtu. Prandaj, ndërpre tani seancën, mblidh Konferencën e Kryetarëve, konstato kush ka përgjegjësinë për këtë problem.

E ke mbi tavolinën tënde listën e folësve të opozitës. Eshtë njoftuar tash 4 ditë debati parlamentar për zgjedhjet. Botërisht qytetarët po i ndjekin. Ju keni lepurin në bark, s’dini nga t’ia mbani; se nga një anë keni ngjarjen e Elbasanit, nga tjetra anë keni Rrugën e Elbasanit. Po ky është problemi juaj. Problemi i shqiptarëve është se ju vini këtu me një maxhoracnë fiktive, në aleancë me krimin, me një parlament ilegjitim. Kjo lojë, nuk mund të vazhdojë gjatë, ndaj mblidh Konferencën e Kryetarëve. Mos ngri kartonat bosh këtu. Ose përndryshe, bëhu përgjegjës për bllokimin total të punimeve të këtij parlamenti.

Mblidh Konferencën e Kryetarëve tani! Vendos për një afat të arsyeshëm debati. Nuk mund të shtyhet me një javë debati. Për një afat të arsyeshëm debati ne kemi propozuar orën 16:00, nëse ju duhet më shumë kohë të përgatiteni, merrni orën 18:00. Por kjo seancë nuk mund të procedojë në shkelje totale të normave dhe rregullores të Parlamentit.

Eshtë në rendin e ditës, s’mund ta heqësh nga rendi i ditës ti sepse ke ardhur i papërgatitur. Se kështu, i bie që për katër vite të shtysh debatin për një qëllim: t’i mbyllësh gojën opozitës. Ne këtë nuk ta lejojmë Gramoz.

Ndaj pezullo seancën, mblidh Konferencën e Kryetarëve. Mbani përgjegjësi. Shqiptarët presin sot debatin. Dhe fakti që s’ju pëlqen, sepse këtë javë ka dalë raporti i OSBE/ODIHR-it dhe raporti i Këshillit të Europës që flet për dhunim, për shit-blerje të votës, dhe përdorimin e grupeve kriminale, fakti që ju ndodh që gjithë Shqipëria është nën terrorin e bandave, nuk ju jep kurrë të drejtën t’i mbyllni gojën opozitës.

Përkundrazi, sot, dhe jo nesër, shqiptarët meritojnë debat në këtë sallë. Ndaj ndërpre seancën, mblidh Konferencën e Kryetarëve. Qytetarët meritojnë debatin, opozita është për të bërë debat dhe jo për të të bërë fresk ty”, kështu u shpreh Basha me tone të larta.

Të gjithë deputetët e PD-së u ngritën në këmbë, ndërsa kryetari Basha nuk lëvizte nga foltorja.

Ruçi i'u drejtua Bashës duke i thënë se do të ndëshkohet si deputet në Kuvend. “Ke pushtuar foltoren. Je i ndëshkuar. Mund të dilni dhe të lini sallën e parlamnetit. 5 minuta pushim derisa zoti Basha të ndërgjegjësohet për shkeljen e rregullores së Parlamentit!”, u shpreh Ruçi, teksa kërkoi dhe ndërprerje të seancës për disa minuta.