Flash News

Video/ Aksident i rëndë në Peshkopi, drejtuesi i dehur merr para efektivin e policisë

E rëndë në Prizren, babai vret vajzën 15-vjeçare, plagos bashkëshorten dhe vajzën tjetër

‘Bursa e votës’: Shkodra mes rivalitetit PS-PD dhe faktorit “Doshi”

Goditet me gotë qelqi e reja në Korçë që denigronte minorenet në Instagram

Akuzat për dënim në Greqi: Prokuroria thotë se po e verifikon prej 1 viti rastin “Gjoka”

KRYESORE

Pa ilaçe dhe i braktisur nga qeveria, ish-deputeti njofton për situatën e vështirë ku ndodhet këngëtari shqiptar

Politiko 2 Mars 2019, 22:06
Pa ilaçe dhe i braktisur nga qeveria, ish-deputeti njofton për

Ish-deputeti i LSI, Luan Rama ka kritikuar indiferencën e qeverisë ndaj këngëtarit Shyqyri Alushi. I konsideruar si një prej zërave më përfaqësues të këngës popullore qytetare shkodrane, Alushi, “Artist i merituar”, ndodhet në situatë të rënduar shëndetësore, ndërkohë që Rama thotë se atij i mungojnë edhe ilaçet.

“Shëndetësia “falas” dhe indiferenca e qeverisë, po e vret këngëtarin Shyqyri Alushi”, shkruan Luan Rama.

Reagimi i plotë i ish-deputetit:

Shyqyri Alushi, “Artisti i merituar” dhe zëri më përfaqësues i këngës popullore qytetare shkodrane pas Bik Ndojës së paharruar, gjendet i vetmuar përballë shëndetësisë falas dhe indiferencës së qeverisë!

Natyrisht, zonja ministre e kulturës dhe shumë prej kolegëve të saj mund të pyesin se “kush është ky Shyqyri Alushi?!”, por më shumë se ky fakt, problemi është që institucionet tona të kulturës e ato të vlerësimit e nderimit të artistëve, nuk kanë e nuk respektojnë kritere profesionale e shkencore për hierarkinë e vlerave në këtë vend!

Një jetë të tërë, përmes këngës së vet, Shyqyri Alushi iu fal popullit të tij me shpirt e zemër, duke qenë një model i qytetarit artist dhe artistit qytetar.

E kur duhej që të ndjente bashkë me dashurinë dhe respektin e qytetarëve shkodranë dhe atyre të të gjithë vendin që asnjëherë nuk i ka munguar edhe vëmendjen, respektin dhe mirënjohjen e shtetit, shëndetësia “falas” dhe qeveria e rilindjes, jo vetëm e ka braktisur artistin fisnik, por edhe po e vret atë me indiferencën e vet!

Unë lutem me shpirt dhe uroj me zemër që Shyqyri Alushi t’a fitojë betejën me sëmundjen dhe të kthehet në familjen e tij për të qenë gëzimi dhe krenaria e tyre e, edhe e jona, po për fat të keq, ai ka përballë bashkë me sëmundjen, edhe shendetësinë “falas” pa ilaçe dhe medikamente, ka përballë edhe indiferencën e qeverisë e të shtetit, i cili nuk kursehet duke shpërblyer e nderuar përfaqësues antivlerash e mediokritetesh perverse, që gëlojnë dhe ushqehen për të gajasur e duartrokitur duke u mbllaçitur e gogësitur korridoreve të pushtetit!

Të fundit