Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Pa përgjigje edhe pas 9 muajsh, qytetari në Durrës: Tërmeti na ka rënë dhe në tru, kur do fillojnë punimet

Politiko 10 Shtator 2020, 10:35
Pa përgjigje edhe pas 9 muajsh, qytetari në Durrës: Tërmeti

Qytetarët e Durrësit të cilët 9 muaj më parë u përballën me fatkeqësinë natyrore të tërmetit të 26 nëntorit, vijojnë të jetojnë pa një çati mbi kokë dhe në kushte ekstreme, teksa shprehen se qeveria nuk u ka dhënë asnjë zgjidhje për banesat e tyre.

Sadik Resnjaku, një banor i "Lagjes 18" në Durrës, thotë se ka shkuar disa herë në Bashki për të mësuar se çfarë do të bëhet me shtëpinë e tij, por ai thotë se nuk merr asnjë përgjigje.

Ndërkohë, kryetari i degës së Partisë Demokratike në Durrës, Ferdinand Xhaferraj, u njoh nga afër me shqetësimin e Sadik Resnjakut, të cilit shtëpia i është shkatërruar dhe ai bashkë më gruan dhe nusen e djalit me fëmijë të vogël, është i detyruar të lëvizë nga një shtëpi me qira tek tjetra, pavarësisht moshës që ka.

“Tërmeti vërtet ka rënë në shtëpit, por na ka rënë dhe në tru. Edhe milingonat kanë shpirt, ne as sa milingonat s'po konsiderohemi. Dua të di kur do fillojnë punimet se po vjen dimri?!

Që nga 26 Nentori e deri sot janë bërë 9 muaj. Dua të di, kur do fillojnë punimet se më vonë vjen dimër, jo nuk punohet se kohë e keqe, më the të thashë. U bëmë 9 muaj! Ngelëm me lecka në krah. Me qira duke ndërruar shtëpitë. Do bëhet, do bëhet, thotë bashkia. Kemi shkuar disa herë por të vihet pika mbi i, kur do fillojnë punimet. Se tërmeti vërtet ka rënë në shtëpi dhe falenderoj zotin që nuk na mori jetën, e kupton apo jo. Po na ka rënë dhe në tru! Nga ana psikike s’jemi në rregull hiç. Me pleq e me fëmijë të vogël. Gjatë verës që dalin milingonat në rrugë, për sytë e ballit nuk ju rrej, unë i kapërcej se edhe ato kanë shpirt, janë milingona. Ne as sa milingonat nuk konsiderohemi, qënia njerëzore. Kemi punuar një jetë të tërë. Kërkoj me insistim, bashkia të vihet në lëvizje t’i japi drejtim kësaj pune!", shprehet qytetari.

Të fundit