Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Më pak libra dhe ngarkesë, si do të ndryshojë nga 1 shkurti një orë mësimi në shkollat e Shqipërisë

Politiko 11 Janar 2018, 09:10

Nga data 1 shkurt pritet të ndryshojë një ditë e zakonshme mësimi. Nxënës do të marrin në çantë më pak libra dhe më pak ngarkesë gjatë një dite mësimi.

Ideatorja e këtij projekti dhe një nga mësueset e një shkolle 9-vjeçare kanë shpjeguar me detaje në studion e Ora News, funksionimin e metodës së re që është shumë e thjeshtë për çdo nxënës që do të bëjë në ditë vetëm 3 lëndë.

Anila Alliu: Një lëndë në dy orë mësimore me 5 minuta pushim, nuk do të marrë gjashtë lëndë në 6 orë mësimore por tre lëndë. Pra, në ditë do bëjnë, psh: dy orë Matematikë, dy orë Gjuhë Shqipe dhe dy orë Biologji. Ishte një planifikim ndryshe i orarit mësimor javor, me fokus në dy drejtime. Në uljen, lehtësimin e ngarkesës së përgatitjes ditore të nxënësve, si dhe pesha e çantës. Ato do të lehtësohen dhe nga përgatitja ditore për të nesërmen. Nuk do mësojnë 6 lëndë, por do mësojnë 3 lëndë.

Klotilda Jaupi: Në një orë të gjatë të tillë, të konceptuar në 90 minuta, unë do të kem mundësi të planifikoj me shumë kujdes në planifikimin tim ditor, pra sipas nevojave specifike të fëmijëve, punë specifike për ta. Kam më shumë kohë për tu interesuar dhe për të parë se si po ndërvepron pjesa tjetër e klasës.

Po marrim një shembull, ky që po shihni në ekran është orari i një klase të shtatë. Siç edhe e shihni, ditën e hënë, nxënësi dy orët e para do të bëjë Gjuhën Shqipe, dy orët e tjera Gjuhë të Huaj dhe dy orët e fundit Edukim Fizik.

Ajo që është më pozitive dhe që është pritur më mirë nga prindërit dhe vetë nxënësit është se çdo ditë fëmijët nuk do të shkojnë në shkollë me një çantë që peshon deri në 12 kg dhe që është kthyer në problem për deformime trupore të fëmijëve në moshë të vogël.

Anila Alliu: Të gjithë shqetësoheshin për ngarkesën e përgatitjes së fëmijëve për ditën e nesërme. Të gjithë shqetësoheshin për peshën e çantës. Jo të gjithë fëmijët shoqërohen nga prindi që mban çantën. Jo të gjithë fëmijët shkojnë në shkollë me makinë.

Shqipëria është vendi i vetëm në Europë ku nxënësit e sistemit parauniversitar shkojnë dhe vijnë nga shkolla me libra në duar, apo edhe që studimin e bëjnë ende në shtëpi. Projekti duhet vënë në zbatim deri në datë 1 shkurt të këtij viti në të gjitha shkollat e vendit.