Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Paketa anti-shpifje kundërshtohet nga Qendra Europiane e Mediave: Qeveria të ndalojë procedimin e projektligjeve

Politiko 24 Dhjetor 2018, 22:40

Paketa anti-shpifje kundërshtohet nga Qendra Europiane e Mediave: Qeveria

Nga Liridon Cecja – Politiko.al

Dy projektligjet e propozuara nga Këshilli i Ministrave dhe të shpërndara nga AMA në datën 11 dhjetor kanë nisur të kundërshtohen nga organizatat ndërkombëtare.

Qendra Europiane për Lirinë e Mediave me qendër në Laipzig të Gjermanisë i tha Politiko.al se propozimi që mediat online të rregullohen nga shteti është në kundërshtim me praktikat e vendeve europiane dhe përbën tentativë për kontrollimin e përmbajtjes dhe rrjedhjes së lirë të informacioneve.

“Qendra Europiane për Liri të Mediave (The European Centre for Press and Media Freedom) është jashtëzakonisht e shqetësuar me dy propozimet ligjore të qeverisë shqiptare, sipas së cilave tentohet 1) regullimi shtetëror i mediave online, në vend të vetë-rregullimit dhe 2) detyrimi ligjor që mediat online të regjistrohen pranë një autoriteti shtetëror.

Vetërregullimi është mënyrë e rregullimit të mediave të shkruara dhe atyre online, kryesisht përmes këshillave të mediave që përbëhen dhe menaxhohen nga përfaqësues e mediave. Në shumicen e vendeve me demokraci të mirëfilltë, si Belgjika, Austria, Hollanda, Suedia, Finlanda, mediat online dhe të shkruara vetë-rregullohen.

Sipas nesh, propozimi që mediat online të rregullohen nga shteti është në kundërshtim me praktikat e këtyre vendeve dhe përbën tenativë për kontrollimin e përmbajtjes dhe rrjedhjes së lirë të informacioneve. Qeveria duhet të angazhohet në krijimin e një klime të përshtatshme që do t'i mundësojë industrisë së mediave vetë-rregullimin”, sqaroi Qendra Europiane për Lirinë e Mediave.

Mësohet se propozimet e mazhorancës, janë kundërshtuar edhe nga zyra e përfaqësuesit të OSBE për Lirinë e Medias, që ë ka bërë të qartë se një ligj i tillë do të cenontë seriozisht lirinë e shprehes. Ishte pikërisht kjo zyrë, e cila detyroi edhe qeverinë e Maltës të hiqte dorë nga një tentativë e tillë.

“Lidhur me regjistrimin e mediave online, zyra e përfaqësuesit të OSBE për Lirinë e Medias e ka bërë të qartë që shtetet nuk duhet të imponojnë regjistrim të detyrueshëm të mediave online si parakusht për punën e tyre dhe se një gjë e tillë do të kishte efekt shumë negativ në lirinë e medias. Një praktikë e tillë, nëse zbatohet, do të kufizonte qasjen e publikut në burime të ndryshme të informacioneve dhe do të cënonte të drejtën në lirinë e shprehjes dhe informacioneve online.

Kjo zyrë e OSBE-së këtë vit detyroi Maltën që të ndryshojë projektligjin për media dhe shpifje, e cila fillimisht detyronte mediat të regjistrohen. Pas kritikës, regjistrimi i mediave në Maltë është lënë opsionale, pra mediat vendosin nëse dëshirojnë të regjistrohen apo jo pranë një autoriteti shtetëror. Propozimi që mediat online të regjistrohen është në kundërshtim me standardet e OSBE-së.

Ne shprehim shqetësimin tonë të thellë që projektligjet janë hartuar në mënyrë tinzare, pa përfshirë mediat dhe shoqërinë civile dhe komunitetin ndërkombëtar. ECPMF kërkon nga qeveria shqiptare që të menjëherë të ndalojë procedimin e këtyre projektligjeve dhe të konsultojë paraprakisht industrinë e mediave, organizatat jo-qeveritare dhe zyrat e Bashkimit Europian, Këshillit të Europës dhe OSBE-së për mënyrat e rregullimit të mediave online”, përfundoi Qendra Europiane për Lirinë e Mediave.

Fuqizimi i portaleve dhe shndërrimi i tyre në një mjet të rëndësishëm për informimin e publikut në mënyrë të pavarur nga qeveria, duket se po i rrezikon Edi Ramës investimin e tij më të madh 20 vjeçar në politikë: propagandën nëpërmjet kontrollit të mediave kryesore tradicionale në vend, si gazetat dhe televizionet.