Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pakujdesia e përdorimit të lenteve mund t’ju shkaktojë infeksione në sy

Politiko 6 Prill 2018, 11:53
Pakujdesia e përdorimit të lenteve mund t’ju shkaktojë

Të zëvendësosh syzet optike me lente sigurisht ka të mirat e saj, sikurse është shikimi periferal i përmirësuar, por aplikimi dhe përdorimi i tyre duan një kujdes të madh.

Pakujdesitë mund të shkaktojnë infeksione serioze të syrit, por ndonëse shumica e përdoruesëve i dinë, ende vazhdojnë të bëjnë gabime të përditshme me lentet e kontaktit.

Gabimet më të shpeshta që duhet t’i shmangni me çdo kusht.

1-Të flini me lente

Ndoshta disa kompani që prodhojnë lente këshillojnë që nuk ka asgjë të keqe të flesh me lente, dhe kështu ju e ktheni në zakon diçka të tillë. Kur zgjoheni ndjeni më pas që sytë janë të thatë dhe shikimin e keni të turbullt. Të flesh me lente nuk është aspak e këshillueshme për sytë sepse gjatë natës ato mund të shkaktojnë irritim. Mbi të gjitha, lentet mund të marrin baktere të ndryshme që bëhen më pas vatër infeksionesh.

2-Të bësh dush apo të notosh me lentet në sy

Uji i detit apo shkuma e dushit do t’ju irritojë sytë. Infeksionet që mund të vijnë si pasojë e këtij gabimi, mund të jenë kaq të rënda sa t’ju çojnë deri në verbim.

3-Përdorimi i ujit të pafiltruar për të larë lentet

Një veprim i tillë mund të shkaktojë probleme serioze tek sytë tuaj. Uji i çezmës mund të jetë i pastër mjaftueshëm për t’u pirë, por nuk është steril. Lentet e kontaktit duhen larë vetëm me solucionin e tyre përkatës.

4-Të vazhdosh t’i mbash ndonëse afati ka kaluar

Mund të duket sikur kështu keni kursyer disa të holla, por jo. Përveçse duhet të pastrohen çdo ditë, ato duhen ndërruar çdo tre muaj. Nëse vazhdoni t’i mbani për një kohë të gjatë, infeksioni është i pashmangshëm.

Të fundit