Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Paloka: Edi Rama kërkon përplasje dhe konflikt civil, por plani i tij do të dështojë

Politiko 19 Qershor 2019, 16:28

Paloka: Edi Rama kërkon përplasje dhe konflikt civil, por plani i tij

Nënkryetari i PD-së, Edi Paloka deklaroi se Edi Rama interesohet vetëm për karrigen e tij dhe është i gatshëm që t’i vërë flakën vendit. Në konferencë për shtyp, ai deklaroi se opozita do të vazhdojë që të protestojë, pavarësish arrestimeve dhe presionit nga policia, që po vepron kundër ligjit.

“Edi Rama po tregon se është i gatshëm të vërë zjarrin Shqipërisë, të nxisë konfliktin civil dhe vëlla vrasjen mes shqiptarëve.

Ai arreston shqiptarët për arsyen e vetme se po zbatojnë ligjin. Ky ligj është në Fletoren Zyrtare.

Edi Rama po mbron karrigen e blerë në bashkëpunim me krimin e organizuar dhe bandat në Shqipëri.

Kjo është arsyeja se përse ai ka përdorur policinë kundër popullit në shkelje të Kushtetutës.

Sjellja e policisë i bën një bandë të armatosur e të paligjtë.

Rama ka planifikuar konflikt civil, në të njëjtën mënyrë siç planifikoi vjedhjen e votave.”, deklaroi Paloka në konferencë për shtyp.

Deklarata e plotë

Për pushtetin personal dhe për pasurinë e tij të paligjshme, Edi Rama po tregon se është i gatshëm t’i vërë zjarrin Shqipërisë, të nxisë konfliktin civil dhe vëllavrasjen mes shqiptarëve.

Edi Rama dhe banda e tij, në paligjshmëri të plotë, po arrestojnë qytetarët për arsyen e vetme se ata po zbatojnë ligjin. Ky ligj është botuar në fletoren zyrtare nga vetë qeveria dhe është akti i vetëm në fuqi për zgjedhjet.

Duke përdorur mjetet represive të goditjes së qytetarëve dhe kundërshtarëve politikë, Edi Rama po mbron karrigen e blerë në bashkëpunim me krimin e organizuar dhe bandat në të gjithë Shqipërinë.

Kjo është arsyeja përse Edi Rama dhe Sandër Lleshaj po e përdorin sot policinë si bandë kundër popullit, në shkelje të Kushtetutës, në shkelje të ligjit dhe të dekretit të Presidentit që ka shfuqizuar 30 Qershorin.

Krim, kryen kushdo që refuzon apo ndalon zbatimin e ligjit, në rastin konkret, Edi Rama, Sandër Lleshaj dhe policët që sillen si banditë me uniformë.

Kjo i bën ata zyrtarisht dhe ligjërisht një bandë të armatosur, pa ligj e pa ligjshmëri.

Qytetarët duhet ta dinë se çdo akt dhe thirrje për 30 Qershorin e Edi Ramës dhe i Sandër Lleshaj është antikushtetues dhe i paligjshëm.

Edi Rama është i vetmi I interesuar për dhunë dhe përplasje icivle, sepse tani ai ka dalë zbuluar përpara qyetarëve dhe gjithë botës. Por plani i tij për përplasje dhe konfilkt civil në Shqipëri, do të dështojë.

Dhuna dhe kërcënimët e paligjshme ndaj popullit nuk bëjnë asgjë tjetër veçse japin alarmin e menjëhershëm që çdo qytetar të jetë në këmbë për mbrojtjen e demokracisë, rendit kushtetues, lirive dhe të drejtave të tyre.

Me këtë kushtrim dhe të vendosur për kauzën tonë, ne do të jemi të gjithë bashkë të premten në orën 20.00, në protestën kombëtare dhe qytetare për Shqipërinë si gjithë Europa.