Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pandeli Majko tregon datën kur do hiqet kufiri Shqipëri-Kosovë: Në të dyja shtetet ka njerëz që nuk duan që kjo të ndodhë

Politiko 29 Nëntor 2017, 10:40

Pandeli Majko tregon datën kur do hiqet kufiri Shqipëri-Kosovë:

Ministri i Diasporës, Pandeli Majko ka uruar mëngjesin e sotëm dtën e çlirimit të Shqipërisë. Ai e konsideron 29 nëntorin si përvjetorin e fitores së shqiptarëve ndaj fashizmit, por gjithsesi kjo ditë i duket sot e akullt dhe tinëzare dhe kjo nuk ka të bëjë me LANÇ.

Majkos i ka bërë përshtypje konsiderimi që i kanë bërë disa gazetarë fjalëve të tij për hapjen e kufijve Shqipëri-Kosovë, si “fishekzjarre”, ndaj ka vendosur si datë përfundimtare për realizimin e këtij projekti datën 1 janar të 2018-ës.

“Shpresoj, që 1 janari 2018 të jetë provë se kufiri “jugosllav” midis dy shteteve tona do të kthehet në një kufi të standarteve të Bashkimit Europian”, shprehet Majko.

Por Majko thekson se në të dyja shtetet ka ende njerëz që nuk duan të ndodhë heqja e kufirit mes Shqipërisë dhe Kosovës.

Reagimi:

NE VEND TE URIMIT…

Cdo vit në mëngjesin e 29 nëntorit urimin e parë e kam pasur për këtë datë shënuar. Ajo është dita e përvjetorit të clirimit dhe fitores së Aleancës së shqiptarëve me antifashizmin. Ajo i dedikohet nderimit për partizanët, midis të cilëve edhe xhaxhai im që qysh 14 vjec ju bashkua atyre që cliruan vendin.

Ky 29 nëntor më duket i akullt e tinëzar. Dhe kjo nuk ka të bëj me Luftën dhe LANC.

Lexova që deklarimet e mia për hapjen e kufijve midis Shqipërisë dhe Kosovës për lëvizjen e lirë të njerzve dhe të mallrave, janë quajtur si “fishekzjarre”. (!) Kjo nuk i takon penës së gazetarit por informacionit që po shpërndahet.

Për ata me kujtesë, shpresoj tu kujtohet vizita zyrtare e kryeministrit Haradinaj në Tiranë këtë vit.… Mund të konsultohen edhe me videon nga konferenca e shtypit e dy kryeministrave të Shqipërisë dhe Kosovës në 27 shtator 2017 pas takimit zyrtar.

Shpresoj, që 1 janari 2018 të jetë provë se kufiri “jugosllav” midis dy shteteve tona do të kthehet në një kufi të standarteve të Bashkimit Europian. Si mund të integrohemi tek të tjerët kur nuk jemi të aftë ta bëjmë të ndodhi me njëri-tjetrin?!

I kam hedhur poshtë me neveri ata që paralelizonin 29 nëntorin e clirimit të Shqipërisë me atë të Jugosllavisë.

Shqiptarët u prenë në besë në Luftën e Dytë. Ndërsa një pjesë luftonin për të cliruar Jugosllavinë, një pjesë tjetër u masakrua si rishkrim i historisë së vjetër jugosllave në marrdhëniet me shqiptarët.

Nuk justifikoj kërkënd. E di që ka pasur edhe "shqipfolës" në krah të Jugosllavisë së Titos kundër shqiptarëve, edhe në Shqipëri edhe në Kosovë.

E vërteta e vërtetë, është se nga të dyja krahët e kufirit Shqipëri - Kosovë, ka edhe sot, që nuk e duan që të ndodhë ajo që pritet. Ajo për të cilën shqiptarët u vranë në 1944-ën dhe 1999-ën.

Duke u gdhirë 1 janari, në marrdhëniet midis Shqipërisë dhe Kosovës, fjalët "seriozitet" apo “fizhekzjarr" do të kenë provën e tyre. Pas kësaj, do të flas! Uroj, që të jetë urim!

Lavdi dëshmorëve!

Lavdi atyre që ditën pse jetuan!