Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Pandemia ka goditur ekonominë shqiptare", Guvernatori i Bankës së Shqipërisë: 17 mijë vende pune janë shkurtuar

Politiko 1 Korrik 2020, 16:47
"Pandemia ka goditur ekonominë shqiptare", Guvernatori i

Guvernatori i Bankës së Shqipërisë Gent Sejko në një deklaratë për mediat është shprehur se ekonomia shqiptare është goditur rëndë nga pandemia e COVID-19.

Në një raportim të situatës, Sejko bën me dije se papunësia është rritur me 11 përqind gjatë gjithë kësaj periudhe, ndërsa 17 mijë vende pune janë shkurtuar në mbarë vendin.

“Pandemia e koronavirusit ka goditur ekonominë shqiptare. INSTAT thotë se ekonomia shqiptare u tkurr me 2.5 përqind, duke rënë eksportet. U rrit papunësia me mbi 11 përqind. Eksportet e mallrave kanë pësuar rënie. Importet u reduktuan me 30 përqind. Janë humbur 17 mijë vende pune. Inflacioni është rritur. Ekonomia shqiptare pritet që të pësojë rënie më 2021.

Aktiviteti ekonomik do të ngadalësohet në tremujorin e dytë dhe t’i kthehet rritjes më 2021. Në gjysmën e dytë të vitit 2021 do të ketë një stabilizim të ekonomisë. Politikat që kemi marrë kanë zbutur krizën. Është rritur borxhi publik. Ekonomia gjithsesi do të varet nga fakti sesa do të zgjasë pandemia e Covid-19”, u shpreh Sejko.

Guvernatori Gent Sejko, më tej, vlerësoi se BSH do vijoi të ndjek politika monetare lehtësuese si stimul për ekonominë.

“Kursi i këmbimit vazhdon të jetë i qëndrueshëm. Kreditë me probleme kanë rënë. Borxhi publik, një kompromis i pranueshëm. Kredia në biznese është shtuar. Politikat sociale, stimul për ekonominë. Qëndrimi aktual i Bankës së Shqipërisë është i duhuri dhe kjo u vendos nga Këshilli Mbikëqyrës. Politika monetare do të vijojë të jetë lehtësuese. Rikthimi i një vale të dytë të pandemisë do të rriste problemet.

Gjatë kësaj periudha, depozitat janë rritur. Gjendja e ekonomisë ka qenë stabël. Depozitat janë rritur dhe gjendja e cash është rritur. Po ashtu, është rritur paraja cash në qarkullim. Planet tona do të jenë në bazë të asaj si shkon gjendja me pandeminë. Sistemi bankar ka reagua në mënyrë pro aktive”, ka deklaruar ndër të tjera guvernatori.

Të fundit