Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

I pangopur për vëmendje mediatike, Rama hedh një tjetër hap në formalizimin e “ER-TV”

Politiko 7 Maj 2017, 15:05

Ju kujtohet kur Edi Rama, atëhere në opozitë, sulmonte ish-kryeministrin Sali Berisha se uzurponte televizionet me daljet e tij shpeshta? Jo vetëm që ia ka kaluar Berishës në këtë drejtim, por çdo qytetar i lodhur nga televizionet dhe gazetat nuk i shpëton dot fytyrës së Edi Ramës as në rrjetet sociale.

Kryeministri ka nga një profil në Facebook, Instagram dhe Twitter për të gjithë ata që duan të ndjekin 24 orë në 24. Së fundmi ai ka nisur projektin ‘ER-TV Live’ (Edi Rama Televizion) ku nëpërmjet ‘Facebook’ transmeton drejtpërdrejt takimet që zhvillon dhe konferencat ku merr pjesë.

Por mesa duket nuk është ngopur me kaq. Rama ka vendosur të hedh një hap tjetër në formalizimin e televizionit personal. Ai ka hapur në Facebook një faqe me emrin ER-TV ku publikon pothuajse çdo gjë që hedh edhe te profili zyrtar.

Sikur të mos mjaftonin faqet e para të gazetave, mbulimet me orë të tëra të fjalimeve nga televizionet, shkrimet e pafundme në portale, 1 milion ndjekësit në profilin e tij, me mijëra në Twitter dhe Instagram, me dhjetëra faqe të Partisë Socialiste dhe portale të deklaruara në krah të tij, Rama i ka shtuar listës edhe faqen ER-TV.

Mendoni se sërish mund t’i shmangeni fytyrës së kryeministrit? E keni gabim, Rama ka nisur sponsorizimet në Facebook, edhe në rast se ju nuk i keni dhënë “like” faqes së tij sërish ai do u shfaqet përpara syve, doni apo nuk doni ju.

Të fundit