Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Paqe me mua ose dhunë“. Akuza e Lubonjës ndaj Edi Ramës që kaloi pa u vënë re

Politiko 7 Korrik 2019, 17:42

Policia ka hedhur poshtë hipotezat se sulmi ndaj Fatos Lubonjes ka lidhje me qëndrimet e tij si analist në emisionin ‘Të paekspozuarit’ dhe në News 24, duke u shprehur se personi qe qelloi me gure makinen e tij, vuan nga probleme mendore.

Të enjten, megjithatë Lubonja, artikuloi disa akuza të fortë ndaj kryeministrit Edi Rama, ku nuk përjashtoi mundësinë e arrestimit të katër drejtuesve të opozitës prej qeverise se tij.

“Edi Rama pati mbështetje ndërkombëtare për të hedhur këtë hap. Unë mendoj që këta ndërkombëtarë do vazhdojnë ta mbështesin. Ata i hapin rrugën një hapi tjetër të Ramës. Besoj se hapi tjetër i Ramës është arrestimi i katërshes opozitare. E thashë ose do durojmë dhunën e Ramës ose të bëjmë dhunë për të rrëzuar Ramën”, sqaroi Lubonja.

Në emisionin ‘Të paekspozuarit’, ai analizoi edhe votimet e 30 qershorit. “Për mua 30 qershori ishte etapë e një procesi të nisur tashmë nga Rama. Mendoj është një proces i instalimit të një regjimi të kontrolluar prej tij në të gjitha institucionet. 30 qershori ishte hap më tej në këtë proces. Bolino tha se 30 qershori kishte një lojë, dhuna nga njëra anë ose paqja dhe fitoi paqja. Ndërsa për mua ishte hap më tej i Ramës që ka ndërtuar një pushtet, që zgjidhni ose paqe me mua ose do keni dhunë. Ose të durojmë diktaturën e Ramës ose të përdorim dhunë që nuk e duam asnjë. 30 qershori ishte etapë”, sqaroi ai.

“30 qershori ishte edhe një referendum. Nuk u bë që çfarë do bëjmë në këtë qytet e në atë, por ishte më shumë jeni me mua apo me katërshen. Ndërkombëtarët ç’armatosën opozitën dhe i thanë Ramës vetëm ti ke shtetin, ndërsa këta të tjerët do të dënohen nëse vjedhin votat. Nuk rrëzohet Edi Rama duke i provuar se ka vjedhur vota, duke thënë se ka shtuar, sepse ka mbështetje ndërkombëtare”, përfundoi Lubonja.

 

Të fundit