Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Paralajmërimi i Bashës nga foltorja për ministrin e rëndësishëm të qeverisë: Ti pse qesh? Mund ta blesh lirinë për një muaj...

Politiko 16 Nëntor 2017, 12:03
Paralajmërimi i Bashës nga foltorja për ministrin e

Kreu i opozitës, Lulzim Basha, gjatë debatit në Kuvend, ka paralajmëruar ministrin e Energjisë, Damian Gjiknuri, se nuk mund ta blejë lirinë për më shumë se një muaj dhe se ai vetë është i ndërgjegjshëm për atë që e pret.

Basha tha se kryeministri Rama dërgon ministrat në hotelet e rajonit për të arritur marrëveshje me krerët e bandave, ndërsa shigjetoi dy ministrat Gjiknuri dhe Blendi Klosi.

Sa i përket paralajmërimit për Gjiknurin, Basha nuk komentoi gjatë, por theksoi se lirinë nuk mund ta blejë edhe për shumë kohë.

“Sot ka vetëm një partner të besueshëm, vetëm një forcë politike që nuk i shtriu dorën krimit, që nuk solli kriminelë në Parlament, që nuk çon ministrat me vrap te Durim Keçi (i drejtohet Blendi Klosit) sa herë arrestohet. Apo ishte Vangjushi (Dako)? Më fal. Çove Vangjushin. Ty nuk ta mbajti (i drejtohet sërish Klosit). Apo çon ministra të tjerë nëpër hotelet rajonale me krerët e bandave. Ti pse qesh (i drejtohet Damian Gjiknurit)? Të të përmend edhe ty? Ti mund ta blesh për një javë, për dy javë, për një muaj lirinë, por e di se çfarë të pret”, u shpreh Basha në foltoren e Kuvendit.

Emri i ministrit Gjiknuri është përmendur shpesh së fundmi nga opozita dhe analistë të ndryshëm, të cilët pretendojnë për një lidhje të mundshme të tij me bandën Habilaj. Gjithsesi, përveç akuzave, asgjë nuk faktuar në media apo në organet ligjzbatuese.

Përmendja e biznesmenit të lidhur me PD, Basha: Ndarjen nuk e bëj në socialistë dhe demokratë, por në të lidhur me krimin dhe të ndershëm

Të fundit