Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Paratë nga trafiku i drogës përdoren për të blerë zgjedhjet”, PD akuza Ramës pas raportit europian: Krimi i organizuar, i paprekshëm

Politiko 23 Korrik 2020, 17:00

“Paratë nga trafiku i drogës përdoren për të

Partia Demokratike ka reaguar përsa i përket raportit Qendrës Europiane për Monitorimin e Drogave. Përmes një deklarate për mediat, ish deputeti Enkeled Alibeaj është shprehur se ky raport konfirmon lidhjen e fortë mes pushtetit dhe parave të pista, të nxjerra nga trafiku i drogës, për të blerë zgjedhjet.

Sipas PD-së, “dosja 184 për blerjen e zgjedhjeve në Dibër dhe dosja 339 për blerjen e zgjedhjeve në Durrës, Shijak, Kavajë dhe Lezhë përmes trafikantëve ndërkombëtarë të drogës nga Partia Socialiste në në pushtet nuk janë raste të izoluara të partneritetit të qeverisë së Edi Ramës me krimin e e organizuar”, ka thënë Alibeaj.

Deklarata e plotë:

Dosja 184 për blerjen e zgjedhjeve në Dibër dhe dosja 339 për blerjen e zgjedhjeve në Durrës, Shijak, Kavajë dhe Lezhë përmes trafikantëve ndërkombëtarë të drogës nga Partia Socialiste në në pushtet nuk janë raste të izoluara të partneritetit të qeverisë së Edi Ramës me krimin e e organizuar.

Raporti më i fundit i Qendrës Europiane për Monitorimin e Drogave, e cila bashkëpunon me Europolin, konfirmon lidhjen e fortë mes pushtetit dhe parave të pista për të blerë zgjedhjet.

Ky raport fakton se Edi Rama jo vetëm ka ndërtuar narkoshtetin që në ditët e para të qeverisjes së tij, por e ka përdorur krimin e organizuar për t’ia kundërvënë opozitës, për të frikësuar kundërshtarët, për t’i mbyllur gojën shoqërisë dhe mediave me të gjitha format.

Gjetjet e raportit të Qendrës Europiane për Monitorimin e Drogave sjell fakte të rënda.

Raporti liston shërbimet që krimi i organizuar, trafikantët ndërkombëtarë të drogës i bëjnë qeverisë për të mbajtur pushtetin. Ato nisin nga mbështetja për kandidatët politikë, tek financimi i fushatave elektorale në këmbim të imunitetit nga ndjekja penale, si dhe përfitimet e tjera të pushtetit; nga frikësimi i kundërshtarëve në zgjedhje tek prishja e mitingjeve të partive opozitare dhe duke e vulosur bashkëpunimin qeveri-krim i organziuar me manipulimin e rezultatit të zgjedhjeve.

“Partitë politike kanë përfituar fonde nga figurat e krimit të organizuar. Anëtarët e grupeve kriminale kanë shërbyer si komisionerë në qendrat e votimit. Pavarësisht mungesës së hetimeve ose vendimeve gjyqësore, deputetët dhe ministrat kanë qenë shënjestra të akuzave publike për lidhjet e tyre me krimin e organizuar. Krimi i organizuar ka arritur të neutralizojë shoqërine, madje edhe përsa i përket lirisë së fjalës”, thuhet në raport.

Të gjitha këto shërbime që ruajnë pushtetin e Edi Ramës kanë sjellë paprekshmërinë e krimit të organizuar nga policia dhe nga drejtësia. Asnjë organizatë kriminale, asnjë bos i trafikut të drogës nuk është arrestuar apo dënuar gjatë qeverisë së Edi Ramës, sepse lidhjet e krimit të organizuar të çojnë të gjitha në zyrën e kryeministrit.

Janë lidhjet e politikës me krimin ato që kanë mbajtur vendin peng, të pazhvilluar, të paintegruar, të izoluar. Që të ndërpriten këto lidhje, duhet të largohet Edi Rama!