Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Partia Demokratike i përgjigjet ftesës së Ramës për dialog: Lojë e zakonshme e kryeministrit; shtatori do jetë me surpriza

Politiko 16 Gusht 2018, 18:41
Partia Demokratike i përgjigjet ftesës së Ramës për

Në mbylljen e sesionit të kaluar parlamentar, kryeministri Rama ftoi opozitën për një dialog të gjërë për të gjetur zgjidhje për çështje të tilla, siç është për shembull Ligji i Magjistraturës. Megjithatë, nënkryetari i Partisë Demokratike, Edi Paloka e cilëson ftesën e kryeministrit si një lojë të zakonshme.

“Pastaj ftesat për bashkëpunime dhe te tjera, janë lojëra të zakonshme të Ramës, që dihet se ku të çojnë. Për çfarë duhet tryeza, ne i kemi renditur pikat si mund të rikthehet reforma në drejtësi në binarët e saj kushtetutës. sepse kjo është kryesorja, u shkelen ato ndryshime kushtetuese që u bënë me konsensus me ligje antikushtetuese që u bënë nga mazhroanca. Nëse nuk kthehemi aty çfarë kuptimi ka. Të dalë opozita t’i japë si buqete me lule drejtësinë Ramës në dorë. Që të bëjë atë që po bën, sepse i vetmi qëllim i tij të mbronte gjyqtarët e korruptuar dhe përmes tyre të mbronte ministrat dhe qeveritarët e korruptuar dhe atë po bën”, thotë Paloka në një intervistë për ‘Neës24’.

Nënkryetari i Partisë Demokratike, po ashtu premton surpriza sa i takon aksioneve opozitare si brenda ashtu edhe jashtë parlementit, të cilat pritet të nisin në shtator, ku qëllimi final është rrëzimi i qeverisë, pavarësisht se nuk ka dhënë detaje sa i takon rrugëve konkrete që do të ndiqen.

“Aksioni i opozitës do të jetë në vazhdim. Nuk është ndalur aksioni i opozitës, pavarësisht se dihet që periudha e verës ka kushtet e vetat, jo gjithnjë politika është në kulmin e aktivitetit dhe jo vetëm politika, por aksioni opozitar do te vazhdoje ne shtator dhe gjatë gjithë kohës deri sa te arrijmë qëllimin që ne kemi venë prej kohës, që është largimi i qeverisë. Situata vetëm është përkeqësuar si sociale si ekonomike”, sqaroi Paloka.

Të fundit