Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Partia Demokratike për ministren Balluku: Në 5 vite, tenderoi 283 kontrata të sajuara me vlerë 73 miliardë lekë

Politiko 28 Dhjetor 2018, 18:52

Partia Demokratike për ministren Balluku: Në 5 vite, tenderoi 283

Partia Demokratike ka nisur të publikojë fakte lidhur me ministrat e rinjë të emëruar nga kryeministri Rama. Në qendër të akuzave të selisë blu është Belinda Balluku, e cila zuri vendin e Damian Gjiknurit në krye të Ministrisë së Energjitikës dhe Transporteve.

Departamenti i anti-korrupsionit në PD shkruan se gjatë 5 viteve në krye të Albcontrol-it, Balluku ka qenë kampione në bërjen e parave të institucionit të saj 'rrush e kumbulla' dhe më keq, duke i destinuar në xhepat e klientëve të sektit Rama.

“Puna e Ballukut flet vetë: në 5 vite me anë të 283 kontratave 73 mld lekë të institucionit janë tenderuar per objekte të sajuara e me vlera të tejfryra. Nga këto 78 procedura janë me prokurim të drejtpërdrejtë në vlerën 20 mld lekë. Vetëm për vitin korrent 70% e procedurave kanë qenë ose me prokurim të drejtpërdrejtë ose me një operator të vetëm në garë”, thuhet ndër të tjera këtë reagim.

Reagimi i plotë:

SHTRIGA MAVI E RAMES

Znj. Belinda Balluku, u emërua nga kryeministri në krye të ALBCONTROL dhe e mbajti këtë detyrë për më shumë se 5 vjet. Mund të konsiderohet pa asnjë mëdyshje si drejtuese e suksesshme në përmbushjen e objektivave të vendosura nga shefi i saj i hershëm: vjedhja!

Ashtu si ministri që po zëvendëson, ka qenë kampione në bërjen e parave të institucionit të saj rrush e kumbulla e më keq, duke i destinuar në xhepat e klientëve të sektit Rama.

Kësisoj, në krye të një institucioni si Ministria e Infrastrukturës dhe Energjisë, nuk mund të emërohej dikush tjetër më efikas dhe me përvojë në zhvatje, shpërdorim e përthyerje ndaj eprorit sesa znj. Balluku.

Balluku është zëvendësuesja e denjë e Gjiknurit për të vazhduar ekzekutimin e kontratave miliona euroshe e për të dhënë të tjera që janë në program.

Puna e Ballukut flet vetë: në 5 vite me anë të 283 kontratave 73 mld lekë të institucionit janë tenderuar per objekte të sajuara e me vlera të tejfryra. Nga këto 78 procedura janë me prokurim të drejtpërdrejtë në vlerën 20 mld lekë. Vetëm për vitin korrent 70% e procedurave kanë qenë ose me prokurim të drejtpërdrejtë ose me një operator të vetëm në garë.

Në superministrinë e infrastrukturës dhe energjisë, Rama nuk mund të gjente më mirë se shtriga mavi e aviacionit civil. Sot Ramës ia lyp nevoja që zonja të jetë shtriga tashmë jo vetëm e ajrit, por edhe e tokës, detit dhe energjisë.

Marrëveshjet e ndyra me klientët dhe bandat që duhet t’i përmbushë deri ditën e fundit që mban karrigen e shkërrmoqur, nuk ka faj që mendon se mund t’ia përmbushë Belinda.