Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Partizani kujton legjendën Panajot Pano, ka fituar gjithçka në futbollin tonë

Politiko 19 Janar 2020, 10:09
Partizani kujton legjendën Panajot Pano, ka fituar gjithçka në

Panajot Pano nuk jeton më, por ka pafund arsye për ta kujtuar. Për tifozët e Partizanit, por edhe për futbolldashësit shqiptarë, ai është një legjendë e këtij sporti.

Ai konsiderohet si një nga më të mëdhenjtë e futbollit shqiptar. 10 vite më parë Pano u nda nga jeta dhe te Partizani nuk harrojnë ta kujtojnë këtë ikonë të lojës më të bukur.

POSTIMI I PARTIZANIT

Sot mbushet një dekadë që Panajot Pano, një nga figurat më të njohura të futbollit shqiptar dhe Partizanit, ndërroi jetë në moshën 71-vjeçare në Jacksonville,Florida, SHBA. Pano, i cilësuar si “Legjenda e Futbollit” shqiptar, përgjatë karrierës së tij 18- vjeçare si futbollist me performancën e shkëlqyer dhe golat e shënuar ka dhuruar emocione të paharrueshme për publikun shqiptar.

Me fanellën e Partizanit Pano në 210 ndeshje të luajtura do të realizonte plot 136 gola duke fituar me të kuqtë 4 tituj kampion dhe 5 kupa, ndërsa me përfaqësuesen e Shqipërisë regjistron 24 ndeshje duke shënuar edhe 4 gola. Një karrierë e shoqëruar me shumë lavdi dhe mjaft tituj individual përfshirë:

“Mjeshtër i Merituar i Sportit”, “Lojtari më i mirë i të gjitha kohërave”, akorduar nga FSHF në vitin 2003, “Lojtari i Shekullit”, akorduar nga UEFA/FIFA, “Nderi i Kombit”, akorduar nga ish-presidenti republikës, Bamir Topi, në vitin 2009, “Simboli Qytetit të Tiranës”, titull i akorduar nga kryetari Bashkisë, Erion Veliaj, në vitin 2017.

Figura e Panajot Panos dhe emri i tij mbetet gjithmonë i paharruar në mendjet dhe zemrat, sidomos të tifozerisë së Partizanit, skuadër me të cilën fitoi gjithçka duke shënuar një dominim absolut të asaj periudhe në futbollin shqiptar.

https://www.facebook.com/partizaniclub/videos/2510792499206317/

Të fundit