Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Pas 34 vitesh nga vdekja e filozofit botohet volumi i katërt i “Historisë së Seksualitetit”

Politiko 9 Shkurt 2018, 19:03
Pas 34 vitesh nga vdekja e filozofit botohet volumi i katërt i

Ai do të ndahej shumë shpejt nga jeta, por Michel Foucalut, filozofi i njohur do të linte pas histori. Ishte data 25 gusht e vitit 1984 kur në spitalin Pitié-Salpetrière do të humbiste jetën pas sëmundjes që e kishte prekur, AIDS. Ishte vetëm 57 vjeç dhe në atë kohë kishte filluar të distancohej nga militantizmi i majtë dhe kishte filluar të kalonte më shumë kohë në universitetin e Berkeley, në Kaliforni, ku jepte edhe leksionet e tij të vyera.

Sipas Ballkanvveb ai ishte kthyer në një mit të gjallë në SHBA para se të bëhej i njohur në Francë, liberal ekstrem dhe jo moralist ortodoks si Sartre apo Camus.

Ishte një nga yjet e para intelektuale në debatet televizive që analizonin aktualitetin: ‘Corriere della Sera’ e dërgoi në fund të vitit 1979 në Iran për të treguar revoltën e asaj kohe, të cilën e përkufizoi si “forma më moderne e revoltës së përhapur të spiritualitetit politik”.

Në ato vite Foucault kishte shpesh marrëdhënie me të panjohur në saunat e San Franciscos. “Kënaqësia e plotë për mua është e lidhur me vdekjen” shprehej filozofi atëherë. Çfarë ka mbetur tjetër nga vitet e tij të fundit, misterioze dhe të ethshme?

Pasi kishte qenë filozofi i çmendurisë, nga burgu dhe psikiatria, Foucault nisi një studim të madh mbi gjenealogjinë e njeriut të dëshirës. Në 1976 doli vëllimi i parë, ‘Dëshira për të ditur’. Më pas filloi të shkruante volumin e dytë dhe të tretë: dëshironte që t’i botonte sa më shpejt. Në fakt u botuan në 1984, pas vdekjes së tij, ndërsa volumi i fundit humbi rrugës.

Siç nënvizon Frédéric Gros, “Foucault (çuditërisht) ka një vizion i cili nuk është aspak ai i një filozofie të ndaluar, të frustrimit, përbuzjes apo urrejtjes ndaj seksualitetit. Përkundrazi, në fund propozon të njëjtat kufizime, ndoshta të domosdoshme, për praktikat seksuale të një Platoni ose të një Marcus Aurelius, dhe në një farë mënyre, Foucault që në atë kohë vuri themelet e shumë debateve aktuale, edhe ato mbi gjininë”.

 

Të fundit