Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas “dorës së shtrirë për dialog”, ish-deputetët që dogjën mandatet i përgjigjen Ramës

Politiko 21 Shkurt 2019, 21:03

Kryeministri Edi Rama në një konferencë për median u shpreh se e “Dora e bashkëpunimit me opozitës, pavarësisht vetëpërjashtimit të saj ekstrem nga jeta parlamentare, është e shtrirë dhe do mbetet e shtrirë”. Ndër të tjera gjatë fjalës, Rama u shpreh se “Shqipëria sot nuk është ajo që do të donte”.

Pas fjalës së tij, kanë reaguar ish-deputetët të cilët dogjën mandatet e tyre; nga PD dhe LSI.

Flamur Noka e konsideron Ramën mashtrues, delenxhi e të pafytyrë, si dhe i kërkon që të mos viktimizohet më, ndërsa Jorida Tabaku në reagim shkruan se vetë mazhoranca po e pengon integrimin e Shqipërisë.

Reagimi i Nokës ndaj Ramës:

Leri perpelitjet e viktimizimin o mashtrues,o delenxhi e i pafytyre.Shkaterrove vendin tend..Kanabizimi i Shqiperise te rendon dhe do te te rendoje si gur varri ne qafen tende te trashur nga abuzimi me pushtetin.Kriminalizimi i shtetit per te ushqyer pushtetin tend kriminal po te pergatit sot varrin politik.PPP tua korruptivo-kriminale qe do ti rendojne xhepave te popullit per mbi nje dekade jane akuze vrastare per regjimin tend bazhibozuk. ,Dosja “339”eshte çarku ku ka rene pushteti yt kriminal dhe te ka deligjitimuar ne sy te shqiptareve dhe nderkombetareve o rezil.Eshte fakti me ze dhe figure qe te çorri masken .,qe demonstroi qe ti je ne pushtet me krimin, per krimin , me bandat dhe per bandat dhe jo me voten e qytetareve.Qytetaret tashme kane fol.Rama ik .Ti je mallkimi per kete vend.Rama ik .Ti dhe sekti yt “Rilindas “je pengmarresi i ardhmerise vendit.Rama ik qe te shpetoje demokracia.Rama ik te marre fryme Shqiperia..

Reagimi i Jorida Tabakut:

Kush e pengon ne te vertete integrimin!

Që prej vitit 2009 e ndjek procesin e integrimit duke lexuar çdo progres raport të KE. Në secilin prej tyre për periudhën 2009-2013 në çdo paragraf përmendet opozita. Sipas progres-raporteve 2009-2013, opozita (pra PS) duhet të votonte për ligjin e Nëpunësit Civil, duhet të mos pengonte çështjen e integrimit për kryetarin e Qarkut Fier.

Që pas vitit 2013, kur edhe ndërrimi i pushteteve u bë nga zgjedhjet më të mira të kryera në këtë vend, opozita nuk është më pengesë në progres raportet e KE-së. Po kush ka qenë pengesa? Vetë mazhoranca. Ndryshe nga opozita e PS, Partia Demokratike ka dërguar amendament për integrimin në ditët e apra të opozitës. Kurrë nuk ka frenuar procesin integrues. Por me gjithë dëshirën e mirë tonën, me gjithë përpjekjen dështuam.

Përse?

Dështuam sepse mazhoranca dhe kryeministri Rama dëshironte më shumë të inkriminuarit në bashki dhe parlament se sa Bashkimin Europian.

Dështuam sepse mazhoranca donte të shndërronte Shqipërinë në një parcelë droge me sipërfaqe 28 mijë km katror dhe jo të lobonte për të futur vendin në BE.

Dështuam sepse kryeministri Rama preferonte të blinte zgjedhjet përmes Avdylajve, Bajrave dhe sa e sa bandave të tjera përmes kryebashkiakëve të inkirminuar dhe jo të siguronte të ardhmen e vendit në BE.

Dështuam sepse mazhoranca preferoi fasadën dhe jo demokracinë e vërtetë.

Dështuam sepse mazhoranca preferoi të vjedhë pronën publike, pronën private dhe të politizojë administratën në vend që të integrohej në familjen Europiane.

Lexojini raportet 2014-2018 që flasin për mungesën e lirisë së medias, drogën, inkriminimin e politikës. Kujtoni vitin e shkuar kur negociatat nuk u hapën sepse kryeministri Rama zgjodhi krimin përpara integrimit. Mos harroni sulmet që po i njëjti njeri bëri ndaj zoti Krischbaum dhe sa e sa emisarëve të tjerë ndërkombëtarë që i thanë të vërtetën në sy.

E vërteta thërret fort për këdo që do të dëgjojë. Ajo është e qartë për këdo që dëshiron të shohë dhe të kuptojë.

Sado që përpiqet të kërcejë nga dega në degë Rama e kupton që tanimë është i vetëm në këtë fasadë të shëmtuar me të cilën ka zgjedhur të mbulojë autokracinë që ka krijuar. Tanimë edhe ato ndërkombëtarë që ende besonin dhe shpresonin tek ai do të shohin qartë përditë e më shumë demokracinë e inkriminuar që kryeministri e maskonte me alibinë qesharake të “opozitës fajtore”.

Të gjithë e dimë, të gjithë e shohim dhe të gjithë e kuptojmë se kush ka penguar realisht integrimin në këtë vend. I vetmi vend ku integrimin e pengon qeveria!

Reagimi i Nora Malaj:

Rama ra.Ende nuk beson se ra. Nuk pranon qe populli nuk e do me.Foli dhe me kujtoi ngordhja e çakallit që çjerr, pështyn, angullit, tenton të kafshojë. Tani mos fol më. Sot per ty është ditê zie! Sot qeveria ka rëne dhe bashkë me të dhe parlamenti nuk funksionin. Sot fitoj liria e qytetarëve që ishin me qindra mijëra.

Reagimi i Kejdi Mehmetaj:

A të qaj 15 minuta?

E bëri hartimin e radhës! Frika i ka hyrë në palcë, jo vetëm se i humbi pushteti, por se shqiptarët nuk do ia falin as pas rrëzimit dëmin që ka shkaktuar.

Edi Rama, je i marrë fund!

Bashkëngjitur keni vendimin e gjykatës që çertifikon blerjen e votave në Vorë, si në Vorë njësoj ka vepruar në të gjithë Shqipërinë.

Bëju një hërë në jetën tënde një nder shqiptarëve, mos u ndot më ekranet në orët e pasdites.