Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas publikimit të dokumenteve të dënimit nga PD-ja reagon Ismailaj: E vërteta do të triumfojë

Politiko 10 Janar 2020, 22:58

Pas publikimit të dokumenteve të dënimit nga PD-ja reagon

Kryebashkiaku i Mallakastrës Qerim Ismailaj reagoi pasi Partia Demokratike nxori dokumentet, ku sipas saj konfirmohet dënimi i tij në Greqi. Ai sqaroi se për aq kohë sa jetoi në vendin fqinj si emigrant ekonomik, nuk u ndalua, arrestua apo deportua nga policia greke.

Ismailaj sqaroi se “lidhur me shkresat e paraqitura sot nuk kam pasur dijeni, sepse po të kisha, fare thjesht do t’i deklaroja në formularin e dekriminalizimit.”

Në Facebook, ai shkroi se është i bindur se e vërteta dhe ndershmëria do të triumfojë mbi gënjeshtrën, hajdutërinë, trafikantët apo mashtruesit!”

Sipas sekretarit të Përgjithshëm të PD-së, Gazmen Bardhi, Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000. “Ai është dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin për shkak të mosgjetjes në territorin grek.”

Reagimi i plotë i kryebashkiakut

Përshëndetje dhe njëherë të gjithëve!

Do te doja qe përsëri te sqaroja opinionin lidhur me deklaratat e bëra nga ana e PD ditën e sotme:

1- Theksoj përsëri se per kohen qe kam jetuar dhe punuar si emigrant ekonomik ne Greqi nuk jam arrestuar, ndaluar apo deportuar asnjehere nga policia greke!

2- Lidhur me shkresat e paraqitura sot nuk kam patur dijeni sepse po te kisha, fare thjesht do ti deklaroja ne formularin e dekriminalizimit, pasi vepra dhe koha per te cilen presupozohet te jem i denuar nuk eshte ne kushtet qe te me pengonte kandidimin apo ushtrimin e detyres dhe per kete qellim do te ndjek cdo rruge ligjore per zbardhjen e te vertetes si ketu ashtu dhe ne Greqi!

3- Lidhur me pretendimin se nuk eshte kryer denimi i presupozuar pasi nuk me kane gjetur, theksoj se kam udhetuar me dhjetra here ne Greqi dhe jo vetem dhe asnjehere ne asnje pike kufitare nuk me eshte refuzuar hyrja apo per me teper qe te jem ndaluar!

4- Ne periudhen kur ka dale ky i ashtequajtur vendim kam punuar mesues ne shkollen “I.Shehu” Corrush si dhe ne 12 tetor 2000 jam zgjedhur kryetar i komunes Kute.

5- Perbuz me neveri cdo etiketim te bere nga ana e pd ndaj meje, pasi nuk kam kryer asnje veprimtari te jashteligjshme ( por mund te me kene ngaterruar me personazhet kriminele, hajdute apo trafikante qe mund ti kete patur apo mund ti kete akoma ne gjirin e saj)!

Së fundmi jam i bindur se e verteta dhe ndershmeria do te triumfoje mbi genjeshtren, hajduterine, trafikantet apo mashtruesit!

Ju faleminderit dhe klm!