Besnik Muçi u shkarkua sot nga detyra si prokuror nga Kolegji i Posaçëm i Apelimit.
Pas vendimit, Muçi në një prononcim të shtjelluar për mediat tha se cilat ishin shkaqet që KPA mori në konsideratë për një vendim të tillë.
Sipas tij, mëkati i vetëm që ka bërë në këtë situatë ka qenë dy vjet më parë kur aplikoi për anëtar të Kushtetueses, duke menduar se përmbush kriteret.
“Shkaku i parë i ankimit është diferenca financiare të 4 vitet, 2003-2006 në shumë e 6 milionë lekë të vjetra. Të llogaritura sipas Komisioneri Publik dhe të pranuar nga KPA në kundërshtim me ligjin.
Shkaku i dytë i shkarkimit është mosdeklarimi i tokës bujqësore që bashkëshortja ime ka marrë në pronësi në vitin 1991, kur ligji është i qartë, që kur shitet toka duhet firmosin pjesëtarët e familjes bujqësore. Bashkëshortja ime është larguar nga familja para 22 vitesh, është një pasuri me burim të ligjshëm dhe KPA e mori si shkak për të marrë këtë vendim. Shkaku tjetër ishte mosdeklarimi i një banese ndërtuar në vitin 1985 nga familja e gruas time, kur ajo ishte shumë e mitur në tokë shteti dhe në versionin më të keq është 1/5 bashkëpronare. Shkak ankimi për 40 mijë lekë të vjetra.
Të tjera shkaqe që u pranuan ishte huat e marrë nga familja ime, 500 mijë lekë të vjetra, xhaxhai im 400 mijë lekë të reja që i provova tej cdo dyshimi.
Shkak tjetër që nuk provon burim të ligjshëm motra ime në 2006. Dorëzona në KPA dokumente të sjellë nga Britania me vulë apustile ku provoj se i shoqi i motrës time ka patur të ardhura të ligjshme në 2005-ën për të cilat ka paguar taksa në Britani 19 mijë paund.
Shkak tjetër ishte marrëdhënia ime shoqërore me shtetasin A.L të cilin mund ta kem takuar 5-6 herë gjatë jetës time, i dënuar në shkallë të parë për moskallëzim krimi. Jemi nga një zonë e afërt me këtë person, madje ka marrë edhe pafajësi në Apel në Tiranë.
Sot ndihem tepër i lehtësuar, pasi unë nuk bëj pjesë te personat me probleme në pasuri me qindra mijëra lekë.
Mëkati i vetëm që bëra para dy vitesh ishte se aplikova për anëtar të Gjykatës Kushtetuese. Mendoja se i plotësoja kriteret. Mëkatin tjetër e bëri Dvorani se më listoi të tretin në listë, mëkatin tjetër e bëri Meta që më emëroi anëtar të Gjykatës Kushtetuese. Tani ku qëndron problemi im në këtë lloj situate”, u shpreh Muçi.
Ish prokurori, aktualisht anëtar i Gjykatës Kushtetuese si i zgjedhur i presidentit Ilir Meta sfidoi hapur KPA-në se vendimi i sotëm nuk vlen për pozicionin e tij aktual si anëtar i GJK.
Sipas tij, përgjegjës për këtë situatë është kreu i Këshillit të Lartë të Prokurorisë, Gent Ibrahimi sepse nuk ka njoftuar asnjë anëtar tjetër për dekretin e presidentit sepse sipas ligjin për statusin e prokurorëve kishte detyrim ligjor që të konstatonte mbarimin e statusit të prokurorit kur i shkoi dekreti i Metës.
“Vendimi i KPA-së nuk afekton funksionin tim të anëtarit të Gjykatës Kushtetuese, nuk mund t’i shtrijë kompetencat e veta mbi anëtarët e kësaj gjykate të zgjedhur sipas Kushtetutës të ndryshuar në 2016.
Pra, neni 130 i Kushtetues thotë se funksioni i anëtarit të Gjykatës Kushtetuese është i papajtueshëm me asnjë funksion tjetër. Kur u betova në presidenti e kam humbur statusin e prokurorit dhe KPA nuk ka patur kompetencë për të vijuar shqyrtimin e ceshtjes time.
Në momentin kur përfundoi statusi im si prokuror, unë KPA nuk ka kompetencë mbi anëtarin e GJK me ndryshimet e fundit të vitit 2016. Nga momenti që më dekretoi presidenti njoftova KLP.
Kreu i KLP, Ibrahimi me një veprim kriminal nuk ka njoftuar asnjë anëtar tjetër të KLP për dekretin e presidentit sepse sipas ligjin për statusin e prokurorëve kishte detyrim ligjor që të konstatonte mbarimin e statusit tim të prokurorit kur i shkoi dekreti i Metës. Këto janë veprime të institucioneve kushtetuese”, përfundoi Muçi.
Financuar Nga Bashkimi Europian
