Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas takimit me reporterët e KiE, Basha thirrje PS: Reflektoni sa nuk është vonë, opozita po përgatit propozim për daljen nga kriza

Politiko 30 Tetor 2019, 11:12

Pas takimit me reporterët e KiE, Basha thirrje PS: Reflektoni sa nuk

Kreu i PD, Lulzim Basha i ka bërë thirrje Partisë Socialistë që të reflektojë sa nuk është vonë për zgjidhjen e ngërçit politik në vend sa nuk është vonë, sipas sipas tij shqiptarëve po u sos durimi.

Pas takimit me dy reporterët e KiE, Andrej Hunko dhe Joseph O’Reilly, Basha foli për gazetarët, duke përsëritur se zgjidhja e krizës vjen vetëm përmes zgjedhjeve të parakohshme parlamentare dhe atyre lokale në një ditë, pas reformës elektorale.

Bashkëbisedimi:

Z, Basha çfarë u diskutua me dy reporterët e KiE?

Diskutimi me reporteret u fokusua te zgjidhja e krizës, gatishmëria e opozitës për të dhënë një reformë të vërtetë zgjedhore që do ua kthejë sovranitetit qytetarëve dhe që përmes zgjedhjeve të parakohshme një parlament legjitim, për mirëqenie, ekonomi e hapjen e rrugës së bllokuar drejt BE.

Kur mendoni se do mbahen zgjedhjet e parakohshme parlamentare?

Është çështje vullneti i të gjitha palëve. PD dhe opozita kanë prezantuar një plan me 5 pika për të përshpejtuar fazën e parë, atë të reformës zgjedhore, duke garantuar lirinë e votës, mbajtjen sa më parë të zgjedhjeve të parakohshme parlamentare.

Ka dy qëndrime në vend, e para që një shumicë absolute jo vetëm nga opozita, por edhe socialistët që kështu nuk mund të vazhdohet më, kjo situatë është e padurueshme dhe qëndrimi i një pakice absolute që nuk do ndryshim, pasi përfitojnë me korrupsion dhe veprimtari kriminale miliona euro një grusht njerëzish.

Dështimet e qeverisë janë shumë, përfshirë edhe negociatat e paguajnë shqiptarët, ashtu si me ekonominë, arsimin. Është koha për të marrë vendimet e duhura për vendin, për të vendosur interesin e vendit mbi ato politike.

Cili do të jetë kryebashkiaku i radhës që do denoncojë PD?

E rëndësishme është pse nuk zbatohet sot ligji. Pse Kajmaku e Babani mbahen ende në detyrë. Këto janë pyetjet që duhet tu drejtohen Ramës, institucioneve të kapura pasi zbulojnë se në vend nuk ka shtet ligjor. Ligji nuk është i barabartë për të gjithë. Një baba burgoset për faturat e energjisë, ndërsa pushtetarëve nuk i hyn gjemb në këmbë. Kjo situatë duhet të marrë fund.

Ju po punoni aktualisht mbi Reformën Zgjedhore, janë zhvilluar dy mbledhje të grupeve të punës. A e sheh si mundësi PD e opozita që pasi të ketë finalizuar paketën e saj të thërrasë një tryezë të gjerë, ku të ftohet edhe mazhoranca, pra erdhi si një propozim i aleatit tuaj, Fatmir Mediu?

Ne jemi të hapur për instrumentet që garantojmë rrugën përpara, garantimit të vullnetit politik për zgjedhje të lira të ndershme, parlamentare dhe lokale në një ditë.

Ajo që ka rëndësi sot është se kemi opozitë që përfaqëson shumicën e interesit publik, e gratshme për rrugën përpara, të ndryshimit.

Nga ana tjetër kemi një qeveri që nuk ka ide e ofertë për ta nxjerrë vendin nga kriza. Shihni shembullin e Maqedonisë së Veriut, që u bë viktimë e problemeve që pati Shqipëria në KE. Ishte e para që i ktheu mandatin qytetarëve. Nuk është kurrë vonë për të reflektuar ndaj dhe thirrja ime PS është që të reflektojë sa nuk është vonë. Po ashtu kjo nuk është situatë që mund të vazhdojë pafund. Ne përgatisim ofertën tonë për reformën elektorale dhe nxjerrjen e vendit nga kriza, durimit të njerëzve po u vjen fundi.

Edhe sa kohë pret PD?

Shqipëria ka humbur 4 herë prej Ramës rrugën për në Europë dhe mbyllja për herë të pestë do ishte fatale.

Nuk duhet të humbim asnjë orë më, por të ecim në një rrugë të qartë. Duhet të zbatojmë kushtet e Bundestagut dhe zhvillimin e zgjedhjeve të parakohshme lokale dhe parlamentare për tu rikthyer shqiptarëve normalitet dhe mundësi për jetesë më mirëqenie.