Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas tre vitesh në Berlin, familja shqiptare dëbohet në orën 03:00 të mëngjesit. Punëdhënësi: 31 vjeçari ‘punon sa për tre vetë’

Politiko 16 Dhjetor 2017, 09:59
Pas tre vitesh në Berlin, familja shqiptare dëbohet në orën

Pas tre vjetësh, familja shqiptare që jetonte në Berlin, është dëbuar për në vendlindje. Xhezo Ajazaj (31-vjeç), gruaja e tij Artjola (29) dhe vajzat e tyre Klara (8) dhe Lejman, si dhe Karolina (6 muajshe), e cila ka lindur në Gjermani, janë dëbuar për në Shqipëri. Ndonëse familja shqiptare ishte integruar në Berlin, ata u dëbuan nga Gjermania para Krishtlindjeve.

Të hënën, familja kishte një takim me zyrën e imigracionit, por, senatori i brendshëm ndoshta nuk donte të priste më gjatë dhe natën e së premtes, familja shqiptare Ajazaj u kap nga policia për dëbim.

Në orën 03:00, Policia zgjoi familjen shqiptare nga gjumi dhe i njoftoi se duhej të ktheheshin në vendlindje. Ata morën gjërat me ngut dhe u dërguan në aeroportin Schönefeld, raporton Albinfo.

Familja Ajazaj ishte shembull i integrimit dhe kishin bërë bujë në mediat gjermane.

Gjithashtu edhe senatori (ministri) i brendshëm i landit, Andreas Geisel kishte shprehur më herët gatishmërinë që të ndërhyjë për këtë çështje, por asgjë nuk ndryshoi.

Edhe shefi i tij i Xhezos e kishte lavdëruar, duke theksuar se ‘punon sa për tre vetë’.

Megjithatë, asgjë nga këto nuk shërbeu që familja shqiptare të vijonte jetën në Berlin të Gjermanisë.

Të fundit