Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pas Vasilit, edhe Meta apel për koronavirusin: Të aplikohet 'Zona e kuqe', financim shumë më i madh se ai i tanishmi

Politiko 8 Mars 2020, 16:20

Pas Vasilit, edhe Meta apel për koronavirusin: Të aplikohet 'Zona

Presidenti Ilir Meta ka bërë apel për forcimin e masave kundër koronavirusit, ndaj kërkon të aplikohet 'Zona e kuqe' si në Itali me zonat e prekura dhe shtimin e fondeve për të forcuar masat.

Me shqetësim Meta përmend rastet e shtuara me virus në vendet fqinje, Itali dhe Greqi.

Meta shkruan se në lidhje me këtë situatë, duhet të forcohen kreysisht masat parandaluese higjeno – sanitare.

Po ashtu thekson se angazhimi njerëzor dhe shkencor mbi këtë situatë duhet të jetë edhe jashtë shërbimit aktiv, nëse lind nevoja.

Postimi i Ilir Metës

Kam ndjekur me shqetësim të madh zhvillimet lidhur me pandeminë e coronavirusit, që për fat të keq janë rënduar së tepërmi, kur të gjithë do të donim që të ndodhte e kundërta.

Në 31 janar të këtij vitit kam tërhequr publikisht vëmendjen për marrjen e masave sanitaro-epidemiologjike shumë të forta nga vendi ynë, edhe pse atëhere Italia kishte vetëm 2 të prekur nga coronavirusi.

Sot situata paraqitet shumë më e rënduar në të gjithë botën, ku rezultojnë 106 vende të prekura, ndërsa Italia veçanërisht ka një rëndim ekstrem me mbi 5061 raste dhe rreth 233 vdekje.

📌 Duke vlerësuar:

📌 - këtë situatë shumë serioze epidemiologjike rajonale;

📌 - faktin që situata në Itali është rënduar duke kapërcyer edhe “Zonën e kuqe”, me përshkallëzim në të gjithë territorin e saj me një mortalitet të lartë rreth 4,4%, dhe imponuar marrjen prej saj të masave shumë të forta kufizuese;

📌 - rritjen shumë të shpejtë të rasteve të infektuara në Greqi;

📌 - shfaqjen e rasteve të coronavirusit edhe në vende të tjera të rajonit tonë që rezultonin te paprekura;

📌 - në informacionin që Organizata Botërore e Shëndetësisë jep për karakteristikat e këtij virusi e rreziqet serioze që ai paraqet;

Apeloj:

📌 Është emergjente forcimi maksimal i masave parandaluese sanitaro-epidemiologjike;

📌 Për shkak se gjendja në Itali por edhe përhapja në rritje në Greqi, dy vende me të cilat kemi shkëmbimet më intensive, imponon aplikimin e masave të "Zonës së Kuqe", si ato të marra në Itali, aplikimin e të gjitha kufizimeve e veprimeve që ky regjim kërkon, si dhe marrjen e masave organizative energjike dhe të monitoruara 24 orë në 24;

📌 Vënien në dispozicion të financimit të plotë, shumë më të madh se ai i deritanishëm, për përballimin e situatës si dhe sigurimin e mbrojtjes së plotë dhe efikase të të gjithë personelit mjeksor të mobilizuar për përballimin e situatës;

📌 Angazhimin e të gjithë kualiteteve njerëzore shkencore, por edhe të atyre me eksperiencë në fushën e epidemiologjisë e higjenës, qofshin edhe jashtë shërbimit aktiv.