Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pastrimi i akseve rrugore, hiqen dhjetëra tabela, kioska e tezga në Rrogozhinë e Milot. Caktohen akset e javës së ardhshme

Politiko 16 Tetor 2017, 13:13
Pastrimi i akseve rrugore, hiqen dhjetëra tabela, kioska e tezga në

Vazhdon aksioni i Autoritetit Rrugor Shqiptar dhe Inspektoratit Kombëtar për Mbrojtjen e Territorit për ndërhyrjen në terren për lirimin e nyjeve dhe hapësirave në akset kombëtare. Sipas të dhënave më të fundit, bëhet me dije se rrethrrotullimi Rrogozhinë-Plepa në të dyja drejtimet është pastruar në masën 90%. Në këtë aks janë hequr 85 tabela, është bërë spostimi i materialeve të vendosura në anën e karrexhatës. Gjithashtu, në bashkëpunim me policinë janë hequr tezgat e tregtimit në rrethrrotullimin e Rrogozhinës dhe dy kioska të lëvizshme.

Aksi Vorë-Fushë Krujë në të dyja drejtimet është pastruar duke hequr 60 tabela. Është bërë spostimi i objekteve të ngurta të tregtueshme të pozicionuara në anën e karrexhatës si goma dhe materiale të tjera.  Fundjavën që kaloi puna u përqendrua në aksin Elbasan-Rrogozhinë (në të dy drejtimet) dhe është arritur të bëhet pastrimi deri në hyrje të Peqinit. Janë hequr 67 tabela, është bërë spostimi i gomave që ishin të vendosura në anën e karrexhatës, janë prishur 6 tezga buzë rrugës. Po gjatë kësaj jave u ndërhy edhe në nyjen e Milotit ku u prishën 26 kioska të tregut ambulant ashtu sikurse një objekt 1 katësh i ndërtuar në kundërshtim me përcaktimet ligjore. Në mbikalimin e Dajlanit është ndërhyrë duke zhvendosur të 5 tabelat e mëdha të reklamimit.

Gjatë kësaj jave ARRSH dhe IKMT do të ndërhyjnë në dy akse të tjera, në atë Rrogozhinë-Fier dhe Fushë Krujë-Lezhë.

Të fundit