Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Patozi letër ndërkombëtarëve: Mos u çudisni kur qeveria t'ju urrejë fort!

Politiko 18 Tetor 2017, 20:15
Patozi letër ndërkombëtarëve: Mos u çudisni kur

Ish-deputeti demorkat Astrit Patozi në një letër imagjinare u është drejtuar ndërkombëtarëve, ku ndër të tjera u thotë që mos çuditen kur opozita t’i urrejë se po bëjnë opozitë. Patozi po ashtu i falenderon për ndërhyrjet e tyre dhe për faktin që përmendin emrat e banditëve shqiptarë në denoncimet e tyre.

ASTRIT PATOZI-LETËR IMAGJINARE PARTNERËVE

(Frymëzuar nga zhvillimet e fundit politike në Shqipëri)

Ju faleminderit shumë që na i ruani, na i ndiqni dhe pastaj na i kapni kriminelët tanë! Po të ishte për ne do të bëhej droga dhe krimi kapicë, e nuk do të vinte njeri dorë, herë nga halli e herë nga malli, por kjo pak rëndësi ka.

Ju faleminderit, gjithashtu, që na shkundni fort të gjithëve, atëherë kur malavita kërcënon të prishë çdo ekuilibër social dhe politik në këtë vend. Është çudi e madhe vërtetë se si këmbanat, që në fakt bien për ne, i dëgjoni gjithmonë ju të parët.

Ju faleminderit edhe që na nxirrni frikën, duke përmendur emra të banditëve tanë, që kanë nisur t'i trembin fëmijët edhe në bark të nënës. Po të ishte për ne, do të vinte shumë shpejt një ditë që t'i zgjidhnim ministra e lart, se deri tek deputetë dhe kryetarë bashkie i çuam.

Mos na e merrni për ters aq shumë, kur dikush prej nesh t'ju bëjë përgjegjës se përse nuk i arrestoni të gjithë trafikantët shqiptarë, por vetëm disa prej tyre. Merreni me sportivitet edhe nëse ju kërkojnë llogari se përse lirohen me procedurë apo nuk dënohen kurrë serial killera dhe bosë të mafias vendase nga drejtësia shqiptare.

Por mbi të gjitha kafshoni gjuhën, kur të shikoni se si tundin flamurin e luftës kundër krimit të organizuar personazhe të skeduar në raportet dhe interceptimet tuaja për implikime të shumëfishta në trafiqe dhe korrupsion. E, natyrisht, bëni sikur nuk e dëgjoni kur dikush prej tyre t'ju quajë pa iu dridhur syri fare "guvernatorë".

Sepse ju nuk duhet të ngatërroni kurrë të drejtat me detyrat tuaja, siç ka ndodhur deri më sot. Ju keni për detyrë të na mbroni dhe ruani nga të këqijat, por nuk keni të drejtë të na përziheni në punët tona kur vjen puna për të mirat.

Ndaj mos u çudisni kurrë që qeveria t'ju urrejë fort pse po i zëvendësoni opozitën, kurse opozita t'ju marrë inat për vdekje se përse nuk po ia rrëzoni asaj qeverinë. Sepse keni mbetur të vetmit që mbani përgjegjësi për këtë vend.

 

 

 

Të fundit