PD bëhet gati për zgjedhje? Basha anulon pushimet në parti dhe cakton 24 koordinatorë

Kryetari Lulzim Basha, ka kryer disa ndryshime me rëndësi në Partinë Demokratike, duke caktuar 24 koordinatorët që do të monitorojnë partinë deri në 31 gusht. Gjithashtu, ai ka vendosur të lërë pa pushime partinë dhe kërkon që deri në 31 gusht, një grup i posaçëm pune të monitorojë përmbushjen e disa detyrave organizative nga strukturat lokale.

Kjo lëvizje shikohet si përgatitje e subjektit politik për zgjedhjet lokale të 13 tetorit që po afrojnë në bazë të dekretit të ri të presidentit Ilir Meta.

PD dhe aleatët e kanë bërë të qartë se nuk i njohin zgjedhjet farsë të mbajtura në 30 qershor, ndërkohë që nuk do të tërhiqen deri në arritjen e qëllimti të tyre që janë zgjedhjet e lira dhe të ndershme, si edhe largimi i kryeministrit Edi Rama.

Në kryeqytet koordinatorë do të jenë Hekuran Hoxhallari, Albana Vokshi, Aldo Bumçi, Orjola Pampuri, Edmond Spaho dhe Edi Paloka.

Lideri i PD ka zhvendosur Flamur Nokën nga Shkodra në Elbasan e në kryeqendrën e veriut ka caktuar Gazmend Bardhin.

Basha ka vendosur të lërë pa pushime partinë dhe kërkon që deri në 31 gusht, një grup i posaçëm pune të monitorojë përmbushjen e disa detyrave organizative nga strukturat lokale.

Referuar udhëzimit deri në datën 20 korrik, degët duhet të bëjnë kalendarin e punës deri në 31 gusht, që është afati maksimal për kryerjen detyrave dhe monitorimin e tyre nga grupi i punës.

Ky grup pune përbëhet nga 24 koordinatorë, që mbulojnë 70 degët e Partisë Demokratike. Koordinatori ka për detyrë të ndjekë të gjithë procesin e përmbushjes së detyrave, sipas urdhrit të Bashës, dhe përgjigjet për veprimtarinë e tij përpara Kryetarit të Partisë.

Gjithashtu, për të qenë sa më efektiv, ky grup ka në përbërje individë që nuk kanë konflikt interesi me degët, pra, nuk janë deputetë aty, apo nuk kanë qenë të deleguar në nivel qarku për organizimin e partisë dhe më pas të protestave.

Në njoftimin e PD, Basha ka dhënë porosi që gjatë procesit të plotësimit të strukturave drejtuese të PD në çdo degë, të afrohen personat me kontribute historike në parti, duke e kombinuar me afrimin e grave dhe të rinjve.

GRUPI I PUNËS PËR KOORDINIMIN E VEPRIMTARISË ORGANIZATIVE NË NIVEL QARKU

 

Nr.          QARKU KOORDINATOR

1. RAJONI TIRANA 1

(Degët 1, 2, 3)    HEKURAN HOXHALLI

2. RAJONI TIRANA 2

(Degët 4, 5, 12) ALBANA VOKSHI

3. RAJONI TIRANA 3

(Degët 6, 7, 8)    ALDO BUMÇI

4. RAJONI TIRANA 4

(Degët 9, 10, 11)               ORJOLA PAMPURI

5. RAJONI TIRANA 5

(Degët 14, 15, 16)             EDMOND SPAHO

6. RAJONI TIRANA 6

(Degët 13, Vorë, Rrogozhinë)     OERD BYLYKBASHI

7. RAJONI TIRANA 7

(Degët Kavajë, Kamëz, Paskuqan)            EDI PALOKA

8. RAJONI DURRËS 1

(Dega Durrës)    GENT STAZIMIRI

9. RAJONI DURRËS 2

(Dega Shijak, Krujë, Fushë-Krujë)             BUJAR VUKAJ

10. RAJONI ELBASAN 1

(Degët Elbasan, Librazhd, Prrenjas)         FLAMUR NOKA

11. RAJONI ELBASAN 2

(Degët Belsh, Cërrik, Gramsh, Peqin)      ALBERT AVDYLI

12. RAJONI FIER 1

(Degët Fier, Patos dhe Mallakastër)        ARBEN IBRO

13. RAJONI FIER 2

(Lushnje, Divjakë dhe Roskovec)              BERNARD BANUSHI

14. RAJONI VLORË 1

(Degët Vlorë dhe Selenicë)         ERVIN MINAROLLI

15. RAJONI VLORË 2

(Degët Himarë, Delvinë, Sarandë)            ILIR DERVISHI

16. RAJONI SHKODËR 1

(Degët Shkodër dhe Malësi e Madhe)    GAZMENT BARDHI

17. RAJONI SHKODËR 2

(Degët Vau i Dejës dhe Pukë)    AHMET PREMÇI

18. RAJONI KORÇË 1

(Degët Korçë, Maliq, Kolonjë)    SAHIT DOLLAPI

19. RAJONI KORÇË 2

(Degët Pogradec, Devoll)             ENDRI HASA

20. LEZHË FLAMUR HOXHA
21. BERAT TAULANT ZENELI
22. DIBËR ENKELEJD ALIBEAJ
23. GJIROKASTËR ERVIN SALIANJI
24. KUKËS KRESHNIK ÇOLLAKU