Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD: Biblioteka dhe Bashkia u përmbytën nga punimet e këqija në Sheshin ‘Skënderbej’. Të nisin hetimet

Politiko 27 Qershor 2018, 17:29
PD: Biblioteka dhe Bashkia u përmbytën nga punimet e këqija

Deputetët e Partisë Demokratike, Romeo Gurakuqi dhe Hekuran Hoxhalli, ishin në ambientet e Bibliotekës Kombëtare kati i nëndheshëm i së cilës u përmbyt pak ditë më parë si pasojë e reshjeve të shiut. Sipas deputetëve të PD-së, mungesa e shkarkimeve të ujërave nëntokësore, të punimeve në shesh, janë bërë shkak i përmbytjes dhe shkatërrimit të qindra titujve dhe materialeve në Bibliotekën Kombëtare dhe në Arkivin e Bashkisë së Tiranës.

“Punimet në shesh, përballë hyrjes së Bibliotekës ka bllokuar rrjedhjen e ujërave nëntokësore”, tha Gurakuqi i cili theksoi se i është drejtuar parlamentit me kërkesa të vazhdueshme për një Bibliotekë të re Kombëtare dhe të një Arkiv Qendror modern.

“E kam kërkuar disa herë në Parlament dhe gjatë diskutimit të buxhetit të shtetit, por kemi hasur në vesh të shurdhët”, tha Gurakuqi.

Deputeti Hekuran Hoxhalli theksoi se qeveria po mundohet të shesë idenë se përmbytja erdhi nga reshjet e shiut, por e vërteta është krejtësisht tjetër.

“Përmbytja me themel e Bibliotekës Kombëtare shkaktar ka investimet pa kushtin bazë në shesh, shkarkimin e ujërave, të cilat mungojnë. Kjo është arsyeja që 20 milionë euro investim, nuk mjaftojnë për të kryer fillimin e çdo pune publike, trajtimin e ujërave të shiut”, tha Hoxhalli, duke kërkuar hetim dhe ndëshkim për këtë abuzim.

Ai theksoi se Kryearkitekti diletant i Shqipërisë, kur “dhunoi” Sheshin Skënderbej nuk e la në duart e ekspertëve të inxhinierisë, por fantazisë dhe kapriçios së tij, tha Hoxhalli.

Biblioteka Kombëtare pas përmbytjes kishte mbyllur të gjitha hyrjet e saj, ndonëse deputetët demokratë kërkojnë prej ditësh të vëzhgojnë nga afër situatën.

Të fundit