Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD hap dyert për ndërkombëtarët: Të mirëpritur të zgjidhin krizën

Politiko 6 Gusht 2019, 19:32
PD hap dyert për ndërkombëtarët: Të mirëpritur

Partia Demokratike nuk e konsideron tabu uljen në tryezë me Edi  Ramën për zgjidhjen e krizës politike. Në një intervistë për ABC News, nënkryetari i PD, Edmond Spaho shprehet se kriza do të zgjidhet vetëm përmes dialogut dhe për këtë është i hapur për kontributin edhe të aktorëve politikë vendas por edhe të ndërkombëtarëve.

“Asnjëherë nuk kemi thënë që nuk zhvillojmë negociata me Edi Ramën si kryetar të Partisë Socialiste. Gjithmonë e kemi theksuar se do të ulemi në një tryezë të spektrit politik ku sigurisht Edi Rama si kryetar i PS do të ketë vendin e tij dhe do të paraqesë opsionet e PS për zgjidhjen e krizës. Asnjëherë nuk e kemi mohuar që zgjidhja do të vijë nga dialogu. Problem është që Edi Rama nuk pranon që ka krizë dhe për rrjedhojë nuk pranon as dialogun”.

Për negociatorin demokratët nuk kanë pretendime. “Të gjithë të huajt që dëshirojnë të kontribuojnë për zgjidhjen e krizës janë të mirëpritur. Të huaj, vendas, cilët do qofshin ata. Këtu nuk ka tabu dhe nuk ka përse të ketë”.

Spaho mohon që ndërkombëtarët t’i kenë kërkuar opozitës që ti drejtohet gjykatave për të kërkuar rrëzimin e zgjedhjeve të 30 Qershorit, por është i bindur se raporti i ODIHR do të demaskojë edhe më shumë procesin ku PS mori të gjithë pushtetin vendor.

Refuzimi për të marrë pjesë në zgjedhjet e 13 Tetorit për demokratët ka të njëjtat arsye me ato të 30 qershorit. Numri dy i demokratëve vlerëson edhe përpjekjen e aleatëve në opozitë, të cilët me regjistrim në zgjedhje po demaskojnë anëtarët e maxhorancës në KQZ.

Të fundit