Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD letër institucioneve ndërkombëtare, BE-së dhe SHBA-ve: Dy projektligjet e qeverisë, kërcënim për lirinë e medias

Politiko 6 Janar 2019, 17:31
PD letër institucioneve ndërkombëtare, BE-së dhe SHBA-ve: Dy

Kryetarja e Komisionit Parlamentar për Çështjet e Mediave, Albana Vokshi i ka drejtuar një letër informuese institucioneve ndërkombëtare, Bashkimin Europian dhe Shtetet e Bashkuara, sa i takon projektligjeve të hartuara nga qeveria për të ashtuquajtën paketa “antishpifje”.

Në këtë letër zyrtare, Vokshi raporton se projektligjet e qeverisë janë hartuar pa asnjë transparencë dhe konsultim me grupet e interesit apo gazetarët.

Vokshi shprehet se projektligjet janë hartuar pas një fushate të kryeministrit që e ka cilësuar median “kazan”, “media e rremë” apo “gazetari e papërgjegjshme”.

Më tej, evidentohet se organizatat e pavarura të media, intelektualë dhe opozita i kanë kundërshtuar ashpër këto nisma që kërkojnë të nënshtrojnë median online përmes një kontrolli politik që shkon nga gjobitja e tyre deri në ndalimin e lirisë së aksesit në internet.

Gjithashtu, katër organizata të njohura ndërkombëtare si; Qendra Europiane për Lirinë e Medias, Federata Europiane e Gazetarëve, Reporterët pa Kufij dhe PEN International i kanë kërkuar kryeministrit të tërheqë menjëherë këto projektligje.

“Përkundër reagimeve të tilla, qeveria duket se synon të vazhdojë me ndryshimet legjislative duke pasur parasysh që me shumicën e siguruar të votave në Parlament mund të miratojnë edhe ligje të tilla censure.

Më lejoni që me anë të kësaj letre, të kërkoj mbështetjen tuaj për ti bërë presion qeverisë shqiptare të tërheqë dy projektligjet e propozuara të censurës si dhe të bashkëpunojë me organizatat e medias, komunitetin e gazetarëve dhe organizatat ndërkombëtare për të gjetur rrugën e përmirësimit të cilësisë së medias, duke respektuar në të njëjtën kohë lirinë e medias dhe të shprehjes”, thuhet në letrën e znj Vokshi për ndërkombëtarët.

Letra u është dërguar;

Ambasadës së Shteteve të Bashkuara të Amerikës

Delegacionit të Bashkimit Europian në Shqipëri

Zyrës së Këshillit të Europës në Tiranë

Prezëncës së OSBE-së në Tiranë

Të gjithë ambasadave të vendeve anëtare të BE në TIranë

Znj Doris Pack, Presidente e Forumit të Grave të Partive Popullore Europiane

z Johannes Hahn, Komisionerit Europian për Politikat e Fqinjësisë dhe Zgjerimit

z Kunt Fleckenstein dhe z Eduard Kukan, eurodeputetë

z Michael Abramoëitz, President i organizatës Freedom House

z Christophe Deloire, Sekretar i Përgjithshëm i Reporterëve pa Kufij

znj Dunja Mijatovic, Komisionere për të Drejtat e Njeriut në Këshillin e Europës

z Claus Neukirch, Kryetar i Zyrës së Këshillit të Europës në Shqipëri

z Harlem Desir, Përfaqësues i OSBE për lirinë e medias

Znj Mariya Gabriel Komisionerja Europiane për Ekonominë dhe Shoqërinë Digjitale

Ambasada e Austrisë

Ambasada e Bullgarisë

Ambasada e Çekisë

Ambasada e Francës

Ambasada e Gjermanisë

Ambasada e Greqisë

Ambasada e Hollandës

Ambasada e Hungarisë

Ambasada e Italisë

Ambasada e Kroacisë

Ambasada e Maltës

Ambasada e Polonisë

Ambasada e Rumanisë

Ambasada e Sllovakisë

Ambasada e Sllovenisë

Ambasada e Spanjës

Ambasada e Suedisë

Të fundit