Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD: Ministria e Drejtësisë ka tenderuar në mënyrë sekrete materiale mjekësore anti-Covid

Politiko 8 Prill 2020, 13:53
PD: Ministria e Drejtësisë ka tenderuar në mënyrë

Ish- deputeti i PD, Enkelejd Alibeaj pas denoncimit për tenderin e ushqimeve nga Ministria e Mbrojtjes dhe 4 tenderave që u konsideruan ”sekret shtetëror” nga Ministria e Shëndetësisë ka bërë denoncimin e radhës.

Alibeaj në një postim në Facebook shkruan se Ministria e Drejtësisë po ashtu ka tenderuar paisje anti- COVID pa transparencë, me shpejtësi dhe sekret.

Ish- deputeti i PD i bën thirrje KLSH dhe SPAK të veprojnë për zbatimin e ligjit.

Alibeaj paraqit edhe vendimin e qeverisë në Fletoren Zyrtare.

Reagimi në Facebook

Virusi i vjedhjes me tendera “sekrete” është përhapur masivisht në qeverinë shqiptare. Pas Ministrisë së Shëndetësisë edhe Ministria e Drejtësisë ka bërë tender për materiale mjekësore anticovid. Me urgjencë, me shpejtësi dhe sigurisht, sekret! Fituesi, gjithnjë i paracaktuar! Kompania “FEDOS” shpk është “fituesja” dhe përfituesja e parave të shqiptarëve, që nuk dihet si janë  harxhuar.

Tenderat e klasifikuar sekret i kanë mbyllur gojën qeverisë! Asnjë pipëtimë se ku shkuan 1.5 milionë euro të ushqimit të shqiptarëve. Asnjë shpjegim pse u bënë sekrete 4 tendera të Ministrisë së Shëndetësisë. Ligji detyron qeverinë të bëjë transparencë dhe të mos bëjë “rrush e kumbulla” paratë e shqiptarëve.

Sa para nga të shqiptarëve ka harxhuar në mënyrë sekrete? A ka abuzuar me këto para? A ka favorizuar ndonjë klient?

Kontrolli i Lartë i Shtetit dhe SPAK-u duhet të ulërijnë për zbatimin e ligjit. Shqiptarët i paguajnë për të gjetur padrejtësitë, abuzimet, vjedhjet dhe për t’i ndëshkuar ato.

Të fundit