Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD padit Drejtorin e Ujësjellësit Rrogozhinë: Shantazhoi punonjësit për plotësimin e një formulari partiak të paligjshëm

Politiko 15 Shtator 2020, 12:32

Partia Demokratike Rrogozhinë ka paditur në prokurori drejtorin e Ujësjellës-Kanalizimeve Rrogozhinë Skënder Dedej, pasi e akuzon se ka shantazhuar punonjës për të mbledhur vota për PS-në për zgjedhjet parlamentare të 25 prillit 2021.

Partia Demokratike Rrogozhinë ka publikuar denoncimin e një punonjësi së bashku me një formula, të cilin pretendon se drejtori ia u ka dhënë punonjësve për ta plotësuar me emrat që do i japin votat PS-së më 25 prill.

PD e cilëson aktin e Skënder Dedej si krim dhe abuzim të rëndë me detyrë, ndërkohë që garanton punonjësit e administratës publike, se asnjë akt shantazhi apo largimi nga puna për qëllime elektorale nuk do të njihet nga Partia Demokratike nëse vjen në pushtet pas 25 prillit 2021.

Deklarata e plotë:

Formulari i mbledhjes së votave për Partinë Socialiste prek edhe të gjitha institucionet në Rrogozhinë.

Drejtori i Ujësjellës Kanalizime Rrogozhinë Skender Dedej, shkel hapur ligjin dhe shantazhon punonjësit për plotësimin e një Formulari partiak të paligjshëm. Ky është krim dhe abuzim i rëndë me detyrën.

Partia Demokratike Rrogozhinë dënon këtë akt kriminal të Skënder Dedej dhe e garanton se do të përballet me forcën e ligjit, pa asnjë hezitim.

Gjatë ditës së sotme kemi përcjell të dhënat e plota për kallëzimin e tij në prokurori për kryerjen e veprës penale të parashikuar në nenin 328/a “Përdorimi i funksionit publik për veprimtari politike ose zgjedhore” të Kodit Penal.

Partia Demokratike Rrogozhinë garanton të gjithë punonjësit e administratës publike që nuk angazhohen në veprimtari politike dhe nuk bien pre e presionit të paligjshem, se asnjë akt shantazhi apo largimi nga puna për qëllime elektorale nuk do të njihet nga Qeveria e re e Partisë Demokratike e dalë pas zgjedhjeve të 25 Prillit 2021.

Më poshtë denoncimi i punonjesit të UKRR, që ka përcjell provat mbi këtë rast të shkeljes hapur të ligjit:

“Pershendetje i nderuar si kalove,jam nje punonjes i Ujesjelles Kanalizime Rrogozhine dhe doja tju vija ne dijeni se drejtori jone Skender Dedej po na kerkon nga 10 deri 50 emra nga fisi jone per ti marre kartat e identitetit e numrat e telefonit per numer per zgjedhjet e prillit. Ne jemi punetore te thjeshte me rroge 220 mije leke me makinat tona e cdo te keqe 😞”.

Të fundit