Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PD publikon emrin: Ish aksioneri i ‘Apex’ mori tre leje ndërtimi për kulla në 7 muaj

Politiko 22 Tetor 2018, 13:47

Partia Demokratike, përmes zëdhënëses Ina Zhupa, është shprehur se  kompanitë e lojërave të fatit, po investojnë paratë e bixhozit në fushën e ndërtimit me lejen e kryeministrit. Në daljen e saj para medias, Zhupa ju referua komapnisë ‘Apex’, që sipas saj, është kompania më e madhe e bixhozit në Shqipëri.

“Kompanitë e bixhozit, klientë të Edi Ramës, po i investojnë paratë e bixhozit në fushën e ndërtimit me lejen e Edi Ramës.

Rasti më flagrant është ai i kompanisë APEX, kompania më e madhe e bixhozit në Shqipëri. Një nga aksionerët e kësaj kompanie, Dajlan Avdia, ka shitur aksionet e tij pak kohë përpara se Rama të deklaronte mbylljen për disa kategori të lojërave e fatit.

Partia Demokratike po publikon sot për herë të parë kontratën e shitjes së 16 % të aksioneve prej rreth 500 mijë euro nga klienti i Edi Ramës tek partneri i tij austriak i APEX-it”, tha Zhupa.

Zëdhënësja e selisë blu, shtoi më tej, se pas tërheqjes nga biznesi i lojërave të fatit, Avdia është përqëndruar tek ndërtimi dhe brenda 7 muajve ka marrë trer leje dnërtimi për tre kulla në Tiranë.

“Me tërheqjen nga biznesi i lojërave të fatit, aktiviteti i Dajlan Avdisë do të përqëndrohet tek ndërtimi, një fushë tjetër që nga Departamenti Amerikan I Shtetit konsiderohet si mjet kryesor për pastrimin e parave të pista të krimit dhe korrupsionit.

Dajlan Avdia ka në pronësi dy kompani të mëdha ndërtimi, “Techno Alb” dhe “Invest Society”. Në emër të këtyre dy kompanive, Edi Rama dhe Erion Veliaj kanë dhënë disa leje ndërtimi në dy nga zonat më të shtrenjta të kryeqytetit – në qendër të Tiranës dhe në zonën e ish bllokut.

Me firmën e Edi Ramës dhe të Erion Veliajt, biznesmeni i bixhozit Dajlan Avdia brenda 7 muajsh ka marrë leje për tre kulla gjigande:

  • Njëra në nëntor 2017 në zemër të Bllokut,

  • Një tjetër në shkurt të këtij viti tek Kulla e Sahatit.

  • Për kullën e tretë leja u dha në muajin qershor, pak pasi klienti i Edi Ramës shiti aksionet e bixhozit. Kjo kullë do të ndërtohet mbrapa presidencës”, deklaroi zëdhënësja e Partisë Demokratike, Ina Zhupa.

 

 

 

 

Të fundit