Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

PE përforcon votat ndaj Shqipërisë, cilat janë 15 kushtet që duhet të plotësojë qeveria para negociatave

Politiko 20 Qershor 2020, 08:48

Mbrëmë vonë janë shpallur nga Parlamenti Evropian votimet përfundimtare të rezolutës për Ballkanin Perëndimor, ku bën pjesë edhe Shqipëria.

Bëhet fjalë për ‘detyrat e shtëpisë’ që Shqipëria duhet të përmbushë para konferencës së parë ndërqeveritare dhe nisjes së negociatave, ndonëse kryeministri Edi Rama e ka mohuar vazhdimisht ekzistencën e kushteve.

Kështu, në votimin final rezoluta pati më shumë vota dhe nga 388, ajo kaloi me 532 vota pro, 70 vota kundra dhe 63 abstenime.

Por cilat janë kushtet e vendosura që duhet të përmbushë Shqipëria, të vëna nga Këshilli Europian me propozimin e shteteve anëtare si Gjermania, Franca, Holanda, Danimarka dhe Spanja në muajin mars.

1- Miratimi i reformës zgjedhore

2- Funksionimi i Gjykatës Kushtetuese

3- Funksionimi i Gjykatës së Lartë

4- Finalizimi i ngritjes se strukturave kundër krimit të organizuar dhe anti-korrupsionit/Funksionimi i SPAK

5- Forcimi i luftës kundër korrupsionit dhe krimit të organizuar, në bashkëpunim me vendet anëtare dhe nëpërmjet Plan Veprimit për adresimin e krimit financiar

6- Ulje e numrit të azilkërkuesve, ku një nga masat është bashkëpunimi me Hollandën, Francën, Britaninë e Madhe, Gjermaninë, Italinë, Irlandën. Vazhdimi i Zbatimit të Planit Ndërinstitutcional të Veprimit për parandalimin e azilkërkimit të qytetarëve shqiptarë në vendet e Schengenit

7- Rishikimi i Ligjit të Medias në linjë me rekomandimet e Komisionit të Venecias

8- Vazhdimi i Reformës në Drejtësi

9- Prova të vazhdueshme – Iniciimi dhe përfundimi i proceseve gjyqësore të shkallës së parë të zyrtarëve të lartë dhe politikanëve.

10- Progres në reformën e administratës publike.

11- Zbatimi i reformës zgjedhore ku përfshihen, financimi transparent i partive dhe administrimi i paanshëm i procesit dhe procesi i rregullt.

12- Vendimi për ligjshmërinë e zgjedhjeve lokale 2019 që kërkon plotësimin e Gjykatës Kushtetuese.

13- Miratimi i Akteve nënligjore të Ligjit për Pakicat Kombëtare ku janë disa VKM.

14- Miratimi i Ligjit (të amenduar) të Censusit

15- Avancimi i procesit të regjistrimit të pronave

[caption id="attachment_391881" align="alignleft" width="512"] Edi Rama[/caption]

Kujtojmë se dje, kryeministri Edi Rama ka reaguar pasi PE miratoi amendamentin në parim teksa e mohon sërish se janë 15 kushte për uljen në tryezë me BE.

“Po mirë, kur paska 15 kushte për nisjen formale të negociatave për anëtarësim, për çfarë duhej kjo rezoluta e partive aleate të PD në Parlamentin Europian që u votua pa konsensus? E pra, nuk ka 15 kushte për uljen në tryezë me BE, sepse 7X7 s’bëjnë 42 në asnjë vend të botës! Dhe nëse pastaj kjo 15-ta duhet për politikë e prandaj bashkohen kushtet e fillimit me ato të vijimit, atëherë nuk janë 15 po janë 15X100 kushte më shumë për t’u plotësuar deri ditën e anëtarësimit! Po një gjë është e sigurtë: Këta që kapen pas kësaj 15-ës do mbeten në opozitë”, shkruan Rama.