Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pelikani kaçurrel vritet në Dumre dhe reklamohet si ‘trofe’. AOS: Policia të gjejë autorët; veprimi ka pasoja afatgjata

Politiko 6 Mars 2018, 17:11
Pelikani kaçurrel vritet në Dumre dhe reklamohet si

Në rrjetet sociale është publikuar një tjetër foto që tregon tre burra që mbajnë në duar si “trofe” një pelikan kaçurrel, i vrarë prej tyre. Ky shpend konsiderohet si specie e rrezikuar në shkallë vendi, ndërkohë që situata rëndohet akoma më shumë për shkak se është koha e foljezimit.

Organizata që ka në fokus mbrojtjen e shpendëve, AOS-Albanian Ornithological Society, ka kërkuar ndërhyrjen urgjente të Inspektoratit Shtetëror të Mjedisit dhe Pyjeve, Policisë së Shtetit dhe Ministrisë së Turizmit dhe Mjedisit për të ndaluar këtë tragjedi.

Ata shprehen se mosveprimi stimulon vrasjen e shpendëve të tjerë që janë të rrezikuar në Shqipëri.

Reagimi:

Ja dhe nje"trofe" tjetër! Kësaj rradhe një Pelikan kacurrel (Pelecanus crispus), një specie e rrezikuar në shkallë vendi e sidomos shumë e paket si folezuese. Individi i vrarë është qartësisht i rritur dhe ndoshta folezues nisur nga ngjyra portokalli e gushës dhe puplat kacurrela në pjesën e sipërme të kokës.

Ky është një rast tjetër që godet punën e kryer në gjithë këto vitet e fundit për mbrojtjen e species nga zhdukja dhe shtimin e saj.

Nisur nga disa raste të fundit përfshirë, Gardalinat (Carduelis carduelis) të kapura në Korçë, Shqiponjën e malit (Aquila chrysaetos) të kapur në Pukë, Thëllëzat e malit (Alectorix graeca) të vrara në Kukës, Marsatoret (Spatula querquedula) e masakruara në Bishtkezë-Fllakë (Durrës) dhe këtij Pelikani kacurrel, duket qartazi se ka një shtim të krimit mbi gjallesat! Raste që rëndohen akoma më shumë nga koha e folezimit.

I bëjmë thirrje Inspektoratit Shteteror të Mjedisit dhe Pyjeve, Policise së Shtetit dhe Ministrisë së Turizmit dhe Mjedisit të reagojnë për të ndalur këtë fenomen një orë e më parë. Mosveprimi stimulon krimin dhe ka pasoja shumë negative e afatgjata!

PS. Inspektorati i Mjedisit dhe Policia e Shtetit duhet të gjejnë burimin e fotos, të gjejnë vendin, të kërkojnë autorët dhe të marrin masat përkatëse administative! SA ME SHPEJT!

Të fundit