Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Pëllumb Pipero apel qytetarëve: Virusi është mes nesh, mund të na infektojë tani më shumë se kurrë

Politiko 19 Qershor 2020, 17:38
Pëllumb Pipero apel qytetarëve: Virusi është mes nesh, mund

Mjeku infeksionist Pëllumb Pipero iu bën thirrje të gjithë qytetarëve të kenë kujdes në këtë fazë të epidemisë dhe të respektojnë rregullat për t’u mbrojtur nga COVID-19. Përmes një video-mesazhi të publikuar nga Ministrja e Shëndetësisë dhe Mbrojtjes Sociale, Ogerta Manastirliu, mjeku Pipero shprehet se virusi është ende prezent dhe mund të infektojë dhe sëmurë, nëse qytetarët nuk zbatojnë këshillat e specialistëve.

Pipero u bën apel qytetarëve që të ruajnë distancimin fizik, higjenën e duarve dhe të përdorin mjetet mbrojtëse sikurse është maska apo dorashkat.

 “Tashmë kemi hyrë në një fazë të re të epidemisë, në një fazë ku secili nga ne është i lirë të lëvizë dhe të kryejë aktivitetin normal të jetës. Tashmë më shumë se kurrë është e nevojshme të respektojmë disa rregulla elementare po shumë të rëndësishme për këtë fazë të re të epidemisë në vendin tonë, por edhe të jetës tonë.

Këto rregulla dhe kjo mënyrë e re jetese është thjesht dhe vetëm më shumë kujdes, të mirëkuptojmë që virusi është ende midis nesh, ai ende mund të na infektojë, ai ende mund të na sëmurë madje edhe mund të na kërcënojë më shumë se sa kaq.

Ndaj ju lutem si specialist, si mjek por edhe si qytetar, më shumë kujdes, ruani distancën fizike, vendosni maskën në mjedise publike, vendosni maskën atje ku nuk mund të ruani distancën, kujdesuni për higjenën e duarve, së bashku do ja dalim deri në fund të kësaj epidemie”, shprehet Pipero.

Të fundit