Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Për çfarë duhet qeveria?", Grida Duma reagon ashpër për krizën në Kakavijë: Rama u jep orë edukate morale shqiptarëve të trajtuar si gjedhë!

Politiko 16 Gusht 2020, 18:02

"Për çfarë duhet qeveria?", Grida Duma reagon

Ish- deputetja e Partisë Demokratike, Grida Duma ka reaguar pas deklaratës së kryeministrit Rama se 'për situatën në Kakavijë nuk kanë faj autoritetet shqiptare dhe as ato greke.'

Përmes një postimi në rrjetet sociale, Duma shprehet se qytetarët në Kakavijë janë lënë të braktisur nga një qeveri dhe një kryeministër që po përpiqet që të marrë benefitet e fundit të pushtetit në ikje.

Teksa publikon pamje të radhëve kilometrike në Kakavijë, ku shihen edhe nëna me fëmijë në krah, ish-deputetja i kthehet ashpër Ramës duke thënë se ai “u përpoq t’i japë orë edukate morale shqiptarëve që vuajnë në lëkurë çfarë do të thotë të jesh pa shtet, pa mbrojtje, të trajtuar si gjedhë sepse më së paku janë braktisur”.

Të ndodhur përballë kësaj krize humanitare, Duma ngre pyetjen: Për çfarë duhet qeveria nëse nuk ka përgjegjësi dhe nuk merr përsipër asnjë zgjidhje në situata të tilla?”

Reagimi i plotë i Grida Dumës:

Sot kryeministri i vendit u përpoq t'i japë orë edukate morale shqiptarëve që vuajnë në lëkurë çfarë do të thotë të jesh pa shtet, pa mbrojtje, të trajtuar si gjedhë sepse më së paku janë braktisur.

Tetë vjet ky njeri që e quan veten kryeministër bën gjueti ku të gjejë fajtorin jashtë, kur nuk e gjen fillon orën e edukatës morale, lëndë që e mëson autodidakt duke bërë prova me durimin e shqiptarëve.

Shqiptarët paguajnë taksë për t'u shërbyer, askund nuk ka lënie në mëshirë të natyrës, as bullgarët as francezët me të cilët guxon t'i krahasojë duke tallur hallin e tyre që po kthehen me shpejtësi në Greqi për të punuar e për të mbajtur edhe familjet në Shqipërinë që e vjel po ky.

Ky që e ka lëshuar qeverisjen dhe qeverinë, merr vetëm benefitet e fundit të pushtetit, me PPP, tendera, konçensione dhe privatizim të Shqipërisë!

Katër ditë të lënë në rrugë, as dinë pse të kthehen, as nëse duhet të rrinë, ikin e vijnë në sakrificë, vuajtje dhe pasiguri mijëra e mijëra shqiptarë.

Askund si në Shqipëri papërgjegjshmëria dhe braktisja nuk ndodh si me qeverinë e Ramës, as të ikin nuk munden me dinjitet.

Për çfarë duhet qeveria nëse nuk ka përgjegjësi dhe nuk merr përsipër asnjë zgjidhje në situata të tilla?

Nuk duhet!

[video width="640" height="362" mp4="https://cdnimpuls.com/politiko.al/uploads/2020/08/grida.mp4"][/video]