Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Për zhdukjen e koronavirusit nuk mjaftojnë aktet normative", Ruçi apel qytetarëve: Virusi është agresiv, vendimtare sjellja individuale

Politiko 27 Korrik 2020, 20:13

"Për zhdukjen e koronavirusit nuk mjaftojnë aktet

Ndërsa situata e pandemisë është e paqëndrueshme dita-ditës, dhe numri i përgjithshëm i viktimave dhe të infektuarve shkon në rritje, kreu i Kuvendit, Gramoz Ruçit nëpërmjet faqes zyrtare të Parlamentit ka përcjellë një mesazh drejtuar qytetarëve për COVID-in.

Sipas Ruçit, aktet normative të miratuara nga Parlamenti dhe puna e Policisë janë të pamjaftueshme për zhdukjen e koronavirusit nëse nuk ka përgjegjshmeri nga ana e individëve për të zbatuar masat.

"Zbatoni me rreptësi masat mbrojtëse nga koronavirusi!

Vendosni maskat!

Ruani distancën!

Garantoni higjenën personale e familjare!", janë disa nga këshillat e kreut të Kuvendit për qytetarët.

Mesazhi i plotë i Gramoz Ruçi:

Apel i Kryetarit të Kuvendit, z. Gramoz Ruçi, për rritjen e kujdesit për t’u mbrojtur nga koronavirusi

Të dashura motra dhe vëllezër, qytetarë të Shqipërisë,

Ju drejtohem sot me dhimbjen që na kanë shkaktuar të gjithëve humbjet e jetëve gjatë ditëve të fundit, sidomos në moshat e reja. Ju drejtohem jo thjesht si Kryetar i Kuvendit të Shqipërisë, por si qytetar, si prind, si vëlla dhe si miku juaj.Të gjithë gjendemi para të papriturave dhe rreziqeve të koronavirusit. Pandemia Covid-19 po shoqërohet me shumë të panjohura, të cilat janë të tilla jo vetëm për ne, qytetarët, por edhe për mjekët, epidemiologët, shkencëtarët dhe madje edhe OBSH-në.

Virusi agresiv po rrëzon ditë për ditë shpresat e njerëzve se pandemisë po vjen fundi, se virusi po bëhet më pak kërcënues për jetën dhe se moshat e reja janë më të mbrojtura prej tij. Marrja e jetës së mjaft njerëzve në moshë të re është një sinjal që duhet të kapet dhe një mesazh që duhet të lexohet nga të gjithë.

Akti normativ i ka bërë të qarta masat e rrepta që duhet të zbatojmë për të mbrojtur jetët tona, të fëmijëve, prindërve, motrave, vëllezërve dhe gjithë të dashurve që na rrethojnë. Jam thellësisht i prekur dhe nuk më shqiten nga mendja fëmijët e vegjël, prindët, vëllezërit dhe motrat e qindra shqiptarëve që virusi u ka marrë jetën.

Në emër të tyre, në emër të mbrojtjes së jetës, në emër të gëzimeve të përditshme prej të cilave pandemia na ka privuar, në emër të gjithë fëmijëve të Shqipërisë që presin vjeshtën për të filluar shkollat, në emër të gjithë familjarëve e prindërve që i kanë fëmijët në dritën e syrit, ju drejtohem të gjithëve me apelin:

Zbatoni me rreptësi masat mbrojtëse nga koronavirusi!

Vendosni maskat!

Ruani distancën!

Garantoni higjenën personale e familjare!

Për zhdukjen e koronavirusit nuk mjaftojnë as aktet normative, as masat teknike, as kontrollet nga institucionet dhe policia. Vendimtare është sjellja jonë individuale, familjare, shoqërore e shëndetësore! Vetëm në këtë mënyrë, do të ruajmë jetën tonë dhe mbrojmë jetët e të tjerëve, të dashurve që na rrethojnë dhe të gjithë qytetarëve.