Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përdore celularin për veten: 5 aplikacione pro shëndetit

Politiko 26 Mars 2017, 18:48
Përdore celularin për veten: 5 aplikacione pro shëndetit

Facebook-u, WhatApp-i, Viber-i, Instagrami, Twitter-i, Snapchat-i janë aplikacione  që të gjithë ne i kemi në celularët tanë, e në disa raste edhe në  I-Pad, NotePad dhe kompjuter, sepse na ndihmojnë të jemi gjithmonë në kontakt me të dashurit e zemrës, të bëjmë telefonata, të çojmë mesazhe e të ndajmë fotot dhe videot e preferuara.

Por, po ato aplikacionet që na ndihmojnë të përmirësojmë shëndetin?

Sipas një studimi të fundit,  personat që përdorin aplikacione fitnesi janë më aktivë në krahasim me ata që nuk i përdorin këto aplikacione, bile edhe Treguesin e Masës Trupore (BMI) e kishin më të ulët. Autorët e studimit besojnë se aplikacionet i ndihmojnë njerëzit të tejkalojnë barrierat si mungesa e informacionit dhe organizimit, dhe kjo çon në krijimin e zakoneve stërvitore më të mira. Nëse mbahen për një kohë të gjatë, këto zakone të mira mund të sjellin ndryshime të mëdha.

Megjithatë, hapësira e memories së celularit është një komoditet i shtrenjtë, dhe nëse do shtosh në telefon aplikacion për shëndetin dhe fitnesin, do më të mirin. Për t’ua lehtësuar punën, ne kemi përzgjedhur aplikacionet më të mira të 2017.

MyFitnessPal

Me  llogaritës të lehtë për hapat dhe kaloritë, nuk është fare habi që MyFitnessPal vazhdimisht renditet si një nga aplikacionet më të mira të fitnesit. MyFitnessPal ka një databazë me më shumë se pesë milion ushqime, një skanues për barkodin e vlerave ushqimore dhe një importues recetash. Aftësia për të mbajtur shënim shpejt ushqimin e konsumuar dhe aktivitetin fizik i ndihmon përdoruesi që të balancojnë kaloritë e tyre përditë, vetëm me disa veprime të thjeshta.

Shkarkojeni aplikacionin tani MyFitnessPal (http://www.myfitnesspal.com/)

Sworkit

Sworkit, që është shkurtim i “Simply Work It” (Thjesht Vije në Punë), ofron video ushtrimesh fizike të demonstruara nga trajnerë personalë. Me 13 milion përdorues, më shumë se 200 lloje ushtrimesh dhe një aplikacion të specializuar vetëm për fëmijët, ky aplikacion i shumëllojshëm e meriton një provë.

Zgjidh nga stërvitjet standarde ose personalizoji duke përzgjedhur kohëzgjatjen e ushtrimit tënd, zonave ku do të fokusohesh dhe çdo nevojë speciale apo kufizim tjetër. Aplikacioni kombinon trajnimin me intervale me ushtrime të përzgjedhura rastësisht, për një efikasitet sa më optimal të çdo ushtrimi dhe për të parandaluar trupin tënd që të mësohet me një rutinë specifike.

Shkarkoje këtu http://sworkit.com/

ACTIVEx

Çfarë filloi si një program i thjesht mirëqenieje në vendin e punës është kthyer në të parin aplikacion fitnesit në botë të bazuar në komunitet—ACTIVEx.

Aplikacioni ka ushtrime të bazuara në Tabata, të personalizuara apo në grup, dhe eksperienca trajnimesh në grup me  trajner në aplikacion. Ti mund të krijosh dhe të gjesh grupe, të shkarkosh plane trajnimi për maratona 5K, 10K dhe më shumë, dhe festoji sukseset e tua me miqtë e tu.

Shkarkoje këtu http://activexapp.com/?cmp=21N-PB308-S9-T3-PL5

CharityMiles

CharityMiles të ndihmon të fitosh sponsorizime korporatave për bamirësi duke ecur, vrapuar apo pedaluar. Aplikacioni mat distancën dhe të lejon të fitosh para—çiklistët fitojnë 30 cent amerikanë për kilometër, ndërsa vrapuesit dhe këmbësorët 75 cent amerikanë për kilometër. Donacionet vijnë nga korporata si Timex Sports dhe Johnson and Johnson dhe ti ke dhe mundësi të zgjedhësh shoqatën jofitimprurëse që përfiton nga ecja, vrapi apo pedalimi yt. Për fat të keq, në listë nuk ka shoqata bamirëse shqiptare, por bamirësia mbetet bamirësi, pavarësisht kombësisë J

Shkarkoje këtu http://www.charitymiles.org/

Couch to 5K

Çohu nga divani dhe shkarko programin e trajnimit që ka ndihmuar me mijëra vrapues fillestarë të kalojnë vijën e finishit në garën e tyre të parë 5K. Dhe pjesa më e bukur? Duhen vetëm 30 minuta në ditë, tri ditë në javë, për nëntë javë. Përzgjidh trajnerin tënd motivues, dhe ndaje progresin tënd me miqtë dhe mbështetësitë e tu në median sociale. Aplikacioni ka dy grafikë të ndryshëm që monitorojnë distancën dhe hapin, duke të dhënë mundësinë për të analizuar performancën tënde teksa përparon.

Shkarkoje këtu http://www.active.com/mobile/couch-to-5k-app?int=19N-PB308-S9-T3-PL5

 

 

 

 

Të fundit