Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përfaqësuesi ndërkombëtar i ONM ‘sulmoi’ SPAK për cilësinë e hetimeve, i përgjigjet KLP: S’mund të rrimë indiferentë

Politiko 27 Korrik 2020, 20:25
Përfaqësuesi ndërkombëtar i ONM ‘sulmoi’ SPAK

Në një debat me gjyqtarin e Gjykatës së Apelit Shkodër, Selim Kryeziu gjatë seancës dëgjimore të këtij të fundit disa ditë më parë në Komisionin e Pavarur të Kualifikimi, përfaqësuesi i ONM-së, Theo Jacobs akuzoi Strukturën e Posaçme Kundër Krimit të Organizuar dhe Korrupsionit për pushimin e shpejtë të çështjes ndaj Kryeziut dhe dy kolegëve të tij gjyqtarë, ndërsa la të kuptohej se hetimet nuk kishin qenë të plota.

Pas këtij reagimi, vjen edhe reagimi zyrtar i KLP.

KLP nënvizon se s’mund të mbajë qëndrim indiferent dhe sqaron se të tilla deklarata janë të qortueshme dhe se ço pretendim i ngritur për profesionalizmin dhe integritetin e prokurorëve mund të verifikohet me mjetet dhe procedurat e sistemit ligjor.

Po ashtu KLP sqaron se SPAK si institucion i ri nuk mund të vlerësohet vetëm një herë bazuar mbi këto kritere.

NJOFTIMI NGA KLP

KËSHILLI I LARTË I PROKURORISË

Tiranë, më 27.07.2020

Deklaratë për Media

Këshilli i Lartë i Prokurorisë (Këshilli) është njohur zyrtarisht me komentet e përfaqësuesit të

ONM gjatë një seancë dëgjimore të mbajtur në Komisionin e Pavarur të Kualifikimit në datën

17.07.2020 dhe reagimin publik të SPAK ndaj këtyre komenteve.

Kujtojmë se sipas Kushtetutës, Këshilli ka për detyrë të garantojë, midis të tjerash,

llogaridhënien dhe statusin e prokurorëve të republikës, përfshi prokurorët e SPAK. Për më

tepër Këshilli është organ themelues i SPAK dhe mbikëqyrës sa i takon performancës dhe

disiplinës së prokurorëve të kësaj strukture. Në këto kushte ne nuk mund të jemi indiferentë

ndaj deklaratave publike që lidhen me profesionalizmin dhe integritetin e prokurorëve të

SPAK.

Ne jemi të vetëdijshëm se suksesi i SPAK varet, në rradhë të parë, nga cilësia dhe integriteti i

prokurorëve të saj. Me këtë bindje, në një përpjekje për të përzgjedhur prokurorët më të mirë,

ne zhvilluam një proces tepër kërkues dhe transparent i cili zgjati plot 9 (nëntë) muaj. Në kuadër

të atij procesi ne verifikuam në detaj profesionalizmin dhe integritetin e të gjithë kandidatëve.

Kujtojmë se pavarësisht verifikimeve tona të thella , kushti mbi kushtet për të gjithë kandidatët

ishte kalimi me sukses i sprovës se vetting – ut. Të gjithë prokurorët që sot shërbejnë në SPAK,

e kanë kaluar këtë sprovë. Natyrisht që integriteti dhe profesionalizmi i prokurorëve të SPAK

nuk verifikohet vetëm një herë. Është detyra e Këshillit të sigurohet në vijimësi për garantimin

e standardeve profesionale e etike të prokurorëve të SPAK. Në këtë kuadër të gjitha

institucionet dhe publiku i gjerë janë të ftuar të ndihmojnë Këshillin në realizimin e kësaj detyre

të rëndësishme.

Nga ana tjetër, nuk duhet harruar se SPAK është institucion i ri i cili, mishëron aspiratën dhe

mundësinë tonë më të mirë si shoqëri për arritjen e drejtësisë shoqërore përmes goditjes penale

të krimit të organizuar dhe korrupsionit, me gjasë dy plagët më të thella të vendit. Në këto

kushte, suksesi i SPAK, do të përcaktohet edhe nga imazhi publik i institucionit të ri dhe besimi

që ai duhet të ngjallë tek publiku. Pikërisht në funksion të garantimit të këtij besimi, pa të cilin

institucionet e drejtësisë nuk mund të funksionojnë në asnjë vend të botës, deklaratat publike

(qofshin edhe personale) që venë në dyshim integritetin dhe/ose profesionalizmin e

prokurorëve janë të qortueshme pasi sistemi ynë ligjor ofron mjete dhe procedura të

përshtatshme për trajtimin e cdo pretendimi që lidhet me profesionalizmin dhe integritetin e

prokurorëve. Cdo pretendim i këtij lloji nuk mund të trajtohet veçse në mënyrën e parashikuar

nga ligji dhe në intitucionet e parashikuara nga ligji. Në të kundërtën çdo diskutim është i

destinuar të jetë vetëm një opinion që vetëm cënon në mënyrë të padrejtë imazhin, edhe kështu

të brishtë, të institucioneve të reja të drejtësisë.

Të fundit