Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përfundimi i gjendjes së fatkeqësisë natyrore, ç’kuptim ka në aspektin juridik 

Politiko 23 Qershor 2020, 13:47
Përfundimi i gjendjes së fatkeqësisë natyrore,

Sot përfundoi gjendja e fatkeqësisë natyrore e miratuar dy muaj më parë nga Kuvendi për shkak të pandemisë. Ndërkohë, po sot  ministrja e Shëndetësisë, Ogerta Manastirliu tha se disa kufizime janë ende në fuqi.

Megjithatë, juridikisht çfarë do të thotë përfundimi i gjendjes së fatkeqësisë natyrore?

Euronews Albania zhvilloi një bisedë me juristin Ledio Braho, i cili tha se ndalimi i protestave apo i tubimeve është akt antikushtetues, ndërsa shtoi se qeveria po përfiton padrejtësisht nga mungesa e Gjykatës Kushtetuese.

“Gjendja e fatkeqësisë u vendos me vendime të Këshillit të Ministrave, më tej u miratua dhe u shty me ligji nga Parlamenti dhe sot i përfundonte afati i shtyrjes dy mujore, që ishte deri më 23 qershor.  Sipas vendimit të Këshillit të Ministrave, për vendosjen e fatkeqësisë natyrore ishin një sërë të drejtash dhe lirish që kufizoheshin.

Janë disa urdhra, disa kufizime që vendosen në bazë të ligjit të parandalimit për përhapjen e sëmundjeve infektive. Siç duket, problemi është se ndalohen tubimet dhe grumbullimet. Duket se i gjithë qëllimi i mazhorancës është që të ndalojë grumbullimet masive”, tha ai.

Ai theksoi se me rënien e gjendjes së fatkeqësisë natyrore, qeveria shqiptare nuk duhet të pengojë kurrsesi tubimet dhe protesta paqësore të qytetarëve. Sipas tij, aktet e qeverisë gjatë kësaj periudhe janë karakterizuar nga një mungesë e madhe koherence.

“Ka një mungesë koherence sa i përket akteve që nxjerrë qeveria, konkretisht Ministria e Shëndetësisë. Pra, çdo gjë lejohet, por ndalohen grumbullimet masive.  Nga ana ligjore ministrja e Shëndetësisë e mbështet me faktin se është e drejtë e saj në bazë të ligjit për parandalimin e përhapjes  së sëmundjeve infektive, por njëkohësisht duhet të kemi parasysh se kushtetuta garanton lirinë e tubimeve, çka në rasatin konkret nuk garantohet se ndalohet me urdhrin e ministrit", shpjegon juristi.

https://politiko.al/skadon-pas-dy-muajsh-fatkeqesia-natyrore-cilat-jane-masat-qe-do-te-mbeten-ne-fuqi-dhe-skenaret-nese-tejmbushen-spitalet/

Të fundit