Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përfundon marrëveshja e 1 prillit, Tahiri zyrtarizon krisjen PS-LSI: Do hyjmë në zgjedhje edhe pa ju, po i shkelni syrin PD

Politiko 30 Mars 2017, 09:45

Përfundon marrëveshja e 1 prillit, Tahiri zyrtarizon krisjen PS-LSI:

Kur ka mbetur edhe një ditë nga përvejtori i katërt i firmosjes së marrëveshjes PS-LSI, ish-ministri i Brendshëm, Saimir Tahiri, zyrtarizon krisjen e thellë mes dy partive, që me shumë gjasë nuk do e rinovojnë marrëveshjen për koalicioin.

Tahiri ka bërë sot deklaratën më të ashpër që prej 2013-ës kundër LSI-së, duke kritikuar qëndrimet e zyrtarëve të partisë deri më tani aleate, se është më mirë që të mos shkohet në zgjedhjet e 7 majt në Kavajë pa opozitën.

“Pertej te gjithe debateve te brendshme apo goditjeve tendencioze ne publik, LSI ka mbeshtetur reformat dhe ka bashkepunuar me PS pa shkelur asnjehere marreveshjen me 1 milione votuesit tane. Por nuk mund te mos them sot, si udheheqes politik i Partise Socialiste per qarkun e Tiranes, se prononcimet publike per mospjesemarrje ne zgjedhjet e Kavajes apo per vete procesin zgjedhor ne Kavaje qe na qenka, sipas LSI, farse pa opoziten, jane destruktive dhe nuk ndihmojne askend. Aq me pak kthimin e opozites ne normalitetin demokratik. Sipas LSI ne duhet te anullojme zgjedhjet ne Kavaje meqe nuk behen ne cader?Duhet te deklarojme edhe ne, Partia Socialiste, mospjesemarrjen meqe edhe LSI mendoka si PD? Apo mos duhet te ndjehemi ne fajtore per "farsen" imagjinare te pjesemarrjes, nderkohe qe farsa reale eshte mospjesemarrja? Ka nje tjeter pyetje te thjeshte: Ku nuk merr pjese LSI? Sepse kandidaturen e Kavajes ne marreveshjen e koalicionit, e propozon PS ashtu sikunder po PS propozoi kandidaturen per Dibren dhe LSI i takonte te propozonte kandidaturen per Kolonjen. Ne Kolonje ishte LSI qe na e kaloi ne te drejten e propozimit per arsyet e saj, po ne kurre nuk do thoshim nuk marrim pjese ne zgjedhje atje, nese LSI do vendoste kandidaturen qe i takonte. Perkundrazi do merrnim aktivisht pjese ne mbeshtetje te kandidatures se saj”, shprehet Tahiri.

Sipas Tahirit, LSI me këtë qëndrim po sulmon PS-në duke i shkelur syrin PD-së, dhe ky veprim për të duhet të marrë fund. Ai akuzon partinë e Ilir Metës se ka vendosur një standard të çuditshëm ku një partner në koalicion, punon si qeveri dhe polemizon si opozitë.

“Ndaj LSI le te thote me mire qe nuk deshiron te merret me fushaten e Kavajes dhe kjo mund te jete e mirekuptueshme. Por keshtu nuk shkon, sepse jo vetem nuk vriten dy zogj me nje gur ne kete rast, por po sulmohet PS duke i shkelur syrin PD! Nejse, ne u mesuam me kete standard te cuditshem ku nje partner ne koalicionin, punon si qeveri dhe polemizon si opozite! Per ne s'ka asnje dileme. Ne po qeverisim, edhe ne koalicion me LSI, per te reformuar rrenjesisht Shqiperine. Jemi te vetedijshem se kostot e reformave apo mangesite e qeverisjes, edhe ne sektoret ku drejtojne koleget e LSI, jo vetem s'i ndajne me ne, po mesa duket duan t'i kthejne ne fature elektorale kunder PS. Kjo nuk na pengon te bejme shtet e reformojme Shqiperine, edhe duke qendruar ne koalicion me LSI, deri kur LSI te zgjedhe ne deshiron te njejten gje apo jo”, deklaron Tahiri.

Në fund, Saimir Tahiri, i cili drejton fushatën e PS-së në Tiranë, shpreh vendosmërinë e partisë së tij për të hyrë në zgjedhjet e Kavajës dhe në ato parlamentare më 18 qershor edhe pa koalicionin me LSI-në, apo me bojkotin e PD-së.

“Po nga ana tjeter, me apo pa LSI, ne do respektojme te drejten sovrane te popullit shqiptar per te zgjedhur oferten me te mire. Ne Kavaje ne 7 maj dhe ne mbare Shqiperine ne 18 qershor. PS eshte padiskutim oferta me e mire per #shqiperineqeduam. Ndaj edhe sikur vetem fare pa asnje parti tjeter, ne do hyjme ne zgjedhje e do fitojme. E nese te gjithe te tjeret do cmenden te mendojne se vlejne me shume se populli sovran, do jemi edhe me shume krenare per dallimin tone me ta. Mbase s'jemi me te miret, po me te mire nuk kemi pare”, shprehet Tahiri.