Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përgjigje e Politikos për Kryeministrin: Vendimi juaj nuk mund të dalë mbi vendimin e Gjykatës

Politiko 15 Tetor 2018, 23:47

Autoriteti i Komunikimeve Elektronike dhe Postare (AKEP) publikoi ditën e sotme një njoftim ku ishin listuar disa portale ‘online’, të cilave u është lënë 72 orë kohë për të publikuar niptin në faqen e tyre ose të regjistrohen në Qendrën Kombëtare të Biznesit (QKB), përndryshe rrezikojnë të mbyllen.

Në listën e AKEP është i renditur edhe portali Politiko.al, si dhe disa portale të tjera me ndikim në vend. Nga verifikimet që kemi kryer ne, rezulton se lista ka ndërhyrje dhe nuk është respektuar i njëjti standard pasi shumë portale që nuk e kanë të publikuar niptin në faqen kryesore, nuk janë bërë pjesë e 44 portaleve të tjera “të paligjshme”.

Ky vendim i AKEP erdhi vetëm dy ditë pasi kryeministri Edi Rama paralajmëroi masa kundër portaleve, çka krijon dyshimin e arsyeshëm se ky institucion ka qenë tërësisht i ndikuar dhe jo i pavarur në vendimmarrje.

Sa i përket statusit të Politiko.al, sqarojmë se portali ynë është pjesë e qendrës “Politiko” dhe për këtë ka një vendim gjykate të shpallur më 14 nëntor të vitit 2017. Politiko është regjistruar në Gjykatën e Tiranës si organizatë jo fitimprurëse dhe në vendim është sqaruar në detaje e gjithë veprimtaria e qendrës.

Gjithashtu, më datë 18 janar 2018 nga Drejtoria Rajonale e Tatimeve është lëshuar certifikata e regjistrimit për qendrën “Politiko”. Numri i identifikimit apo nipti, gjendet tashmë në faqen e Politiko.al.

Përfshirja e Politiko.al në listën e ‘reklamuar’ me portale të paligjshme, për ne është tendencioze dhe e padrejtë. Qendra “Politiko” nuk ka asnjë detyrim të regjistrohet pranë QKB-së për sa kohë jemi të regjistruar në gjykatë si organizatë jo fitimprurëse, si dhe jemi pajisur me nipt nga Tatimet.

Përpara se të zbatojë kërkesat që kryeministri lëshon nga ‘Twitter’-i, AKEP duhet të bëjë detyrën që i takon dhe të kryejë të gjitha verifikimet e nevojshme dhe jo të hartojë lista me të paligjshëm që nuk kanë asnjë bazë.

Të fundit