Flash News

Mandati i EULEX-it në Kosovë zgjatet deri në vitin 2027

Shkatërrohet rrjeti i trafikantëve të drogës, 11 arrestime në Foggia, në qendër të hetimit një shqiptar

Gara për kreun e BKH-së, përfundon sot afati për aplikimet

Plagosi çiftin e bashkëshortëve në Rrogozhinë, ja kush është autori

Plagosi me armë fqinjët, vetëdorëzohet në polici autori

KRYESORE

Përjetoi “ferr” me bashkëshorten për 16 vjet, por ka një mesazh prekës për dy fëmijët

Politiko 28 Maj 2017, 19:30

Jorgo vjen nga Greqia për të ftuar dy fëmijët e tij në rubrikën “Ka një mesazh për ty” në “E diela shqiptare”. Pavarësisht divorcit me bashkëshorten, ai ka qenë dhe do të jetë gjithmonë pranë dy fëmijëve, Marjana dhe Mario.

Jorgo rrëfen historinë e njohjes me ish-bashkëshorten e tij, duke thënë se ka ndodhur me mblesëri në vitin 1998. Ata janë martuar dhe kanë sjellë në jetë dy fëmijë, Marjanën 17-vjeçare dhe Marion 12-vjeçar. Konfliktet në çift kanë nisur që prej muajve të parë të martesës, për shkak të mospërputhjes së karaktereve. Pas shumë tentativash për të gjetur një rrugëzgjidhje, pas 16-vitesh Jorgo vendos të divorcohet.

“Mua më vjen turp që ta them këtë gjë, por ka ardhur momenti që ish-bashkëshortja ime ka arritur në atë kategori, betohem në Zot, që edhe ka kyçur fëmijët brenda për të mos dalë për të luajtur. Ajo nxirrte pretekstin se do bëhet pis fëmija, do ftohet, do nxehet në behar. Më besoni që edhe kur shkonin nipërit e mi në det, fëmijët e mi kishin një farë zilie se do të realizohet apo s’do realizohet plazhi për ta. S’kishte momente që të mos krijohej konflikt ndërmjet meje dhe ish-bashkëshortes sime, pra për të çuar fëmijët në det, në çdo lloj argëtimi.”

Pas një ndërhyrjeje që bëri ish-bashkëshortja e Jorgos, mjekët u thanë se rrezikonin të mos bënin më fëmijë. Pas një jave iu komunikua se ishte momenti i duhur për të bërë fëmijën e dytë, në qoftë se do të dëshironin. Jorgo rrëfen se e bënë fëmijën e dytë me idenë se diçka do të ndryshonte në marrëdhënien e tyre, por nuk ndodhi kështu. Në vitin 2009 Jorgo vendos të largohet dhe shkon në Agrio, te një i afërmi i tij. Ai shprehet se ka komunikuar me fëmijët nëpërmjet telefonit në mënyrë të vazhdueshme, ndërsa me ish-bashkëshorten ka komunikuar vetëm një herë, kur ajo i ka thënë se ka reflektuar që të vazhdojnë martesën e tyre, por pas pak kohësh filloi gjithçka nga e para.

“Njeriu është gatuar i tillë, pra unë nuk pashë asnjë lloj ndryshimi. Më doli djali përpara dhe në fytyrën e tij unë pashë një trishtim, një mosbesim, një lodhje, një mërzitje… I jam betuar vetes se nuk mund ta përsëris më largimin. I kërkoj falje atij djali që nuk e realizova dot. Konfliktet po vazhdonin, nuk dija se si të veproja …”

Jorgo tregon se i ka kërkuar ish-bashkëshortes të takojnë një psikologe për të marrë një vendim. Psikologia i ka thënë se kishte dy zgjedhje, ose ta pranonte ish-bashkëshorten siç ishte, ose të ndahej. Jorgo nuk mund të ndahej, pasi fëmijët ishin të vegjël, ndaj së bashku me psikologen arritën në konkluzionin që ai të divorcohej kur të rriteshin fëmijët.

“Për sa i përket vendosjes se me kë do të shkonin fëmijët, e kam marrë në pyetje vajzën time dhe pashë në sytë e saj një trishtim, lodhje, frikë. U mendova mirë dhe i kam thënë që kam mendimin që ju të shkoni me mamin që edhe mami të mos konsiderohet e vetmuar, e braktisur. Vajza kishte të njëjtin mendim. Duke vendosur vajza, gjyqi s’ka si qëllim që t’i ndajë fëmijët, pra shkoi dhe djali. Fëmija im, duke mos patur besim te mamaja, për 7-8 muaj rrinte me mua, flinte me mua, hante me mua. Duke patur parasysh se ç’mund të bëjë një baba për fëmijën, nuk më jep mirë mundësia për t’i larë, për të gatuar.”

Jorgo thotë se nuk ndihej mirë që i biri të mos takonte të ëmën, pasi e bija jetonte në konvikt dhe ajo ndihej e vetmuar dhe e braktisur.

“I kam thirrur këtu, sepse po shikoj që këta fëmija janë shumë të vrarë, të lodhur, të mërzitur, pra kanë humbur disi besimin ndaj nënës, pse jo edhe ndaj meje. Dua t’u tregoj se babi do të jetë pranë tyre edhe sekondat e fundit të jetës sime.”

Marjana dhe Mario pranojnë ftesën për të qenë pjesë e rubrikës “Ka një mesazh për ty” dhe vijnë në studion e “E diela shqiptare”. Të pyetur nga Arditi se kush mund të jetë personi që u ka bërë surprizën, Marjana thotë se në fillim mendoi se ishte i ati, por duke qenë se ai erdhi me ta, mendojnë se nuk është ai dhe mund të jetë halla e tyre. Ata shikojnë në ekranin e murit ndarës të atin dhe Marjana thotë se e dinte./tvklan