Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përkeqësohet liria e medias në Shqipëri, humb dy vende në raportin e ‘Reporterët Pa Kufij’

Politiko 21 Prill 2020, 12:38

Përkeqësohet liria e medias në Shqipëri.

Në raportin e publikuar nga ‘Reporterët Pa Kufij’, vendi ynë ka humbur dy vende për lirinë e medias dhe të drejtave të gazetarëve.

Shqipëria është renditur në vendin e 84, ndryshe nga 2019-ta kur pozicionohej në vend të 82.

“Në vitin 2019, qeveria rriti përpjekjet për të marrë kontrollin mbi median me arsyetimin e luftimit të lajmeve të rreme. Në dhjetor, shumica qeverisëse votoi në Parlament një paketë "anti-shpifëse" që forcon rregullimin e mediave në internet.

Kufizimi i lirive të shprehjes, informacionit dhe shtypit dhe kundërshtimi i praktikës më të mirë ndërkombëtare, te të dy ligjet rrezikojnë rritjen e censurës dhe i bëjnë gazetarët më të prekshëm përballë presioneve të qeverisë.

Gjatë vitit 2019 gjithashtu u shënuan raste në kontekstin e tërmetit shkatërrues, ku dy gazetarë dhe një aktivist u arrestuan për përhapjen e "lajmeve të rreme" dhe "shkaktimit të panikut", ndërsa media online kritike për veprimet e qeverisë u mbyllën nga organet qeveritare.

Edhe gjatë shpërthimit të krizës së koronavirusit në Mars të vitit 2020, sulmet fizike dhe rastet e shpifjeve të ngritura gjithnjë e më shumë nga zyrtarët kundër gazetarëve vazhdojnë të ruajnë klimën e pasigurisë dhe frikësimit.

Kjo - në kombinim me gjuhën denigruese të politikanëve - i kthen reporterët në caqe të mundshme agresioni. Ndërkohë, autoritetet e vendit, që aspiron të hyjnë në Bashkimin Evropian, nuk arrijnë të zgjidhin dhe sanksionojnë raste të ndryshme të sulmeve fizike dhe kërcënimeve serioze kundër gazetarëve”, thuhet në raport.

Sipas raportit, para vendit tonë renditen shtete si  Haiti, Kirgistani, Maldivet, Qipro Veriore (pjesë e Turqisë), dhe Timor-Leste.

Krahasuar me vendet e rajonit, Kosova renditet në vend të 70-të, Bosnja-Hercegovina në të 58-in, Kroacia në të 59-in, ndërsa situata është përkeqësuar në Maqedoninë e Veriut, në vendin e 92.

Në raport, përmendet edhe paketa anti-shpifje e votuar në fund të vitit të shkuar nga Kuvendi që rrit censurën ndaj medias dhe gazetarëve.

Të fundit